40:565  565  IN  DANIELEM.  CAR  IL  566  largam  remunerationem  si  somnium  narraverint,  et  fuerint  etiam  fidi  interpretes.  Hinc  colligimus  quod  etiam  declarant  omnes  historiae,  Magos  quaestum  fecisse  ex  suis  praedictionibus  et  coniecturis.  Indorum  sapientes,  ut  erant  homines  frugi  et  austerae  vitae,  non  fuerunt  lucro  dediti.  Scimus  enim  ita  vixisse  ut  neque  pecunia,  neque  ulla  suppellectile,  neque  ulla  re  opus  haberent.  Nam  contenti  erant  radicibus,  et  non  opus  erat  veste  aliqua,  nec  alibi  quam  humi  cubabant,  et  ita  avaritia  apud  ipsos  nulla  fuit.  Sed  quantum  attinet  ad  Chaldaeos,  scimus  cursitasse  huc  et  illuc,  ut  emungerent  pecunia  simplices  et  credulos.  Ergo  loquitur  hic  rex  ex  consuetudine,  ubi  promittit  mercedem  et  quidem  largam.  Hic  autem  notandum  est,  quod  Chaldaei  ita  sparserunt  sua  vaticinia,  factum  esse  cupiditate  lucri.  Atqui  ubi  scientia  venalis  est,  non  potest  fieri  quin  adulteretur  multis  vitiis.  Quemadmodum  quum  Paulus  loquitur  de  corruptoribus  evangelii,  dicit  eos  cauponari  (2.  Cor.  2,  17),  quia  ubi  lucrum  captatur,  fieri  non  potest  quin  statim  (sicuti  dictum  est)  etiam  qui  alioqui  fuissent  probi  doctores,  degenerent,  et  pervertant  omnem  sinceritatem  suis  mendaciis.  Nam  ubi  regnat  avaritia,  illic  etiam  est  adulatio,  illic  est  obsequium  servile,  illic  est  vafrities.  Denique  veritas  prorsus  exstinguitur.  Quare  non  mirum  est,  si  Chaldaei  ita  proiecti  fuerint  ad  fallendum,  quia  scilicet  perinde  ipsis  erat,  modo  hinc  inde  quaestum  facerent,  et  corraderent  aliquid  pecuniae.  Licet  quidem  probis  doctoribus  victum  accipere  ex  publico:  sed  interea  si  quis  lucro  ducitur  (quemadmodum  dictum  est)  fieri  non  potest,  quin  pervertat  atque  depravet  omnem  doctrinae  puritatem.  Et  iterum  colligimus  ex  hoc  loco  quanta  fuerit  regis  anxietas,  quod  neque  sumptibus  vult  parcere,  si  a  Chaldaeis  hoc  modo  eliciat  somnii  sui  interpretationem:  et  interea  tamen  furiose  ipsis  irascitur,  quasi  ab  ipsis  non  obtineat  quod  meretur  merces  quam  ipse  offert.  Iam  sequitur,  7.  'Responderunt  secundo,  ei  dixerunt,  Rex  somnium  exponat  (vel,  narret)  servis  suis,  et  interpretationem  indicabimus.  8.  Respondit  rex  et  dixit,  Vere  (in  veritate)  novi  ego  (iam  cognosco)  quod  tempus  redimitis,  quia  scitis  quod  exierit  sermo  a  me  (id  est,  quod  exciderit  ex  animo  meo  somnium,  vel,  sententia  ex  ore  meo  egressa  sit).  Addamus  versum  sequentem,  9.  Propterea  si  somnium  non  indicaveritis  mihi,  una  haec  sententia  (est)  :  et  sermonem  mendacem  (vel,  fallacem)  et  corruptum  praeparastis  ad  dicendum  coram  me,  donec  tempus  mutetur  (id  est,  praetereat)  :  propterea  somnium  narrate  mihi,  et  cognoscam  quod  interpretationem  eius  mihi  indicetis  (hoc  est  possitis  mihi  exponere).