35:565  565  SUR  LE  CANTIQUE  D'EZECHIAS.  566  nous  chastier,  comme  il  en  est  advenu  a  David:  mais  ce  n'est  sinon  pour  nostre  bien  et  profit  qu'il  le  fait,  afin  que  nous  cheminions  tant  plus  songneusement  a  l'advenir.  I'ay  desia  dit  que  Dieu  envoye  ses  punitions  en  telle  sorte  qu'il  en  demeure  tousiours  quelque  marque  pour  nous  en  faire  souvenir.  Dieu  donc  nous  affiigera  bien  encore  qu'il  nous  soit  propice:  mais  toutes  ces  deux  choses  ne  sont  pas  incompatibles,  c'est  ascavoir  qu'il  mette  nos  pechez  derriere  le  dos,  qu'il  nous  recoyve  quant  et  quant  a  merci,  et  nous  face  prosperer  par  sa  benediction,  et  que  cependant  il  ne  nous  veuille  pas  neantmoins  nourrir  en  nostre  paresse,  mais  nous  resveiller,  et  faire  sentir  quelque  signe  de  son  ire,  afin  de  la  prevenir:  cependant  toutesfois  s'il  nous  veut  declarer  plenement  la  remission  de  nos  pechez,  il  nous  en  donnera  bien  quelques  fois  les  signes  exterieurs,  c'est  a  dire,  il  nous  donnera  un  tel  goust  de  sa  bonte,  que  nous  apperceverons  que  vrayement  il  nous  a  fait  merci,  et  qu'il  est  impossible  qu'il  usast  envers  nous  d'une  telle  grace  et  humanite,  sinon  d'autant  qu'il  ne  veut  plus  nous  examiner  en  nos  fautes,  .qu'il  nous  quitte  a  pur  et  a  plein,  et  qu'il  ne  demande  sinon  que  nous  cheminions  avec  luy  comme  estans  d'accord,  et  vrayement  reconciliez  a  sa  maieste.  Voyla  donc  comme  Dieu  nous  declare  la  remission  de  nos  pechez,  non  seulement  par  sa  parole,  et  au  dedans  par  son  sainct  Esprit,  mais  aussi  par  les  fruits,  c'est  a  dire,  quand  par  sa  benediction  il  nous  fait  prosperer,  et  qu'il  nous  traitte  si  doucement  que  nous  sommes  convaincus  qu'il  use  d'une  bonte  paternelle  envers  nous.  Quand  donc  nous  aurons  ces  signes-la,  concluons  hardiment  que  Dieu  nous  a  pardonne  nos  pechez,  et  qu'il  les  a  mis  derriere  le  dos  pour  ne  les  plus  examiner,  et  pour  ne  s'en  souvenir  iamais.  Ainsi  donc,  toutes  fois  et  quantes  que  nous  serons  affligez  de  la  main  de  Dieu,  qu'il  nous  souviene  que  non  seulement  il  s'est  monstre  bon  envers  ceux  qu'il  a  retirez  de  ce  monde,  et  qui  ont  autres  fois  eu  des  afflictions  rudes  et  fascheuses,  mais  qu'il  leur  a  pardonne  leurs  pechez,  et  scachons  qu'il  usera  de  la  mesme  bonte  envers  nous:  et  en  ce  faisant  nous  apprendrons  de  nous  humilier  pour  l'advenir,  et  puis  la  grace  de  Dieu  aura  tant  plus  grand  lustre,  d'autant  que  non  seulement  il  nous  aura  traittez  en  toute  douceur  quant  au  corps,  mais  aussi  qu'il  n'aura  point  regarde  a  nos  fautes,  et  nous  aura  monstre  que  combien  que  nous  eussions  provoque  son  ire,  et  luy  eussions  donne  occasion  de  nous  laisser  tousiours  en  nos  miseres,  toutesfois  il  ne  nous  veut  point  traitter  k  la  rigueur,  mais  qu'il  nous  veut  attirer  a  soy  par  sa  bonte  et  misericorde  infinie.  Or  nous-nous  prosternendis  devant  la  maieste  de  nostre  bon  Dieu,  en  cognoissance  de  nos  fautes,