32:565  565  SUR  LE  PSEAUME  CXIX.  566  du  monde,  ie  vous  prie,  quelle  excuse  y  aura-il  pour  nous,  si  nous  laissons  passer  ce  qui  se  presente  devant  nos  yeux?  Car  quand  auiourd'huy  Dieu  se  tiendroit  la  comme  cache,  que  nous  n'aurions  nul  signe  ny  experience  qu'il  seroit  le  iuge  des  iniques  pour  les  confondre,  et  Sauveur  de  ceux  qui  se  conflent  en  luy,  et  qui  l'invoquent,  encores  ce  qui  est  contenu  en  l'Escriture  saincte,  ce  que  nous  lisons  qui  a  este  fait  devant  nostre  naissance,  cela  nous  doit  suffire.  Maintenant  si  Dieu  se  declare  a  nous,  et  s'il  nous  monstre  sa  presence,  et  que  tout  cela  soit  mis  sous  le  pied  par  nostre  ingratitude,  ne  faut-il  pas  que  nous  soyons  plus  que  coulpables?  En  somme,  notons  qu'yci  le  sainct  Esprit  accuse  nostre  nonchalance:  car  si  nous  estions  tels  que  nous  devrions  estre,  nous  appliquerions  nostre  estude  a  lire  les  histoires  sainctes,  ou  Dieu  nous  presente  comme  en  de  beaux  miroirs  ses  iugemens,  et  le  tout  a  nostre  instruction  et  profit.  Voyla  donc  comme  nous  devons  conioindre  ce  qui  est  escrit,  avec  ce  que  nous  voyons  iournellement  devant  nos  yeux,  et  estre  confermez  par  toutes  les  histoires,  tellement  qu'elles  nous  servent  comme  de  seeller  la  parole  de  Dieu,  pour  'y  trouver  tant  plus  de  vigueur,  et  d'efficace,  et  pour  la  magnifier  quand  ce  viendra  au  besoin.  Or  avons-nous  ainsi  reduit  en  memoire  les  iugemens  de  Dieu,  et  nous  y  sommes-nous  exercez,  ie  dy  mesme  ceux  qui  ont  este  faits  devant  que  nous  fussions  nais  en  ce  monde?  Tout  ce  que  nous  appercevrons  maintenant,  et  ce  qui  sera  declaire  durant  nostre  vie,  il  faut  par  plus  forte  raison  que  nous  le  considerions  de  pres,  que  nous  en  soyons  confermez  d'autant  plus,  que  nous  ne  soyons  pas  comme  bestes  brutes,  quand  Dieu  desploye  sa  main,  et  qu'il  nous  donne  quelques  tesmoignages  que  c'est  luy  seul  qui  besongne  ainsi:  quand,  di-ie,  Dieu  nous  monstre  cela,  que  nous  y  pensions  k  bon  escient,  et  que  nous  y  soyons  arrestez:  c'est  a  dire,  que  nous  n'ayons  point  des  speculations  vaines,  ainsi  qu'il  y  en  a  beaucoup:  mais  que  nous  appliquions  a  nostre  usage  tous  les  iugemens  de  Dieu,  puis  que  c'est  aussi  a  ceste  fin-la  qu'il  nous.  les  monstre.  Comme  quand  nous  liroos  que  Dieu  s'est  revele  a  Abraham,  que  nous  lirons  qu'il  luy  a  aide  en  une  telle  necessite,  que  nous  concluyons,  Et  bien:  ce  que  Dieu  a  fait  envers  son  serviteur  Abraham,  c'est  pour  nous  asseurer  qu'il  nous  fera  le  semblable:  il  faut  donc  que  maintenant  i'aye  mon  refuge  a  Dieu.  Voyla  comme  tous  les  tesmoignages  que  Dieu  nous  donne  en  l'Escriture  saincte  de  ses  oeuvres,  nous  doyvent  servir  d'aides  qui  soyent  propres  a  un  chacun  de  nous.  Or  David  met  puis  apres,  Qu'il  a  este  saisy  d'horreur,  voyant  les  meschans  qui  delaissoyent  la  Loy  de  Dieu.  Yci  David  proteste,  qu'il  a  resiste