20:565  565  SUPPLEMENTUM.  566  cederent  in  gloriam  iudicis,  certe  iudicarer  iniuste:  sed  non  cedunt  in  gloriam  iudicis,  ergo  non  iudicor  iniuste,  non  iniuste  censet  me  poena  dignum.  Hoc  antecedens  me  movet  plurimum  ex  eo  quod  negat  quod  superius  diximus:  iustificare  esse  iustum  declarare.  Quod  quum  non  posset  negari,  miror  Paulum  nunc  illud  negasse.  Non  possum  me  hinc  expedire:  tu  videbis.  Tertium  argumentum  confutat  triplex  iudicium:  unum  eorum  qui,  quum  audirent  a  Paulo  et  caeteris  iustum  declarari  Deum  nostris  delictis,  nihilo  tamen  secius  relinqui  iustum,  dicebant  mala  esse  facienda  ex  doctrina  evangelii.  Quod  quum  esset  ridiculum,  reiiciebant  evangelii  doctrinam.  Alterum  est  eorum  qui  dicebant,  ex  praedicatione  Pauli  Deum  posse  colligi  iniustum,  quod  annunciaret  Deum  nostris  delictis  ostendi  iustum,  quorum  proxima  erat  argumentatio.  Verum  quum  Paulus  sentiret,  fide  id  esse  consentaneum  quod  ratione  esse  potest  repugnans,  hoc  et  illud  iudicium  sic  confutat.  Si  Deus  esset  iniustus  ob  id  quod  punit  quod  commendat  iustitiam  suam,  iudicium  eorum  esset  longe  rectius  qui  dicunt  mala  esse  facienda  ut  inde  veniant  bona,  quod  nostra  iniquitas  commendet  iustitiam  Dei,  et  nihilominus  ipse  relinquitur  iustus.  Sed  haec  non  est  habenda  rata  conclusio,  ergo  neque  illa,  quippe  ea  sunt  fide  consentanea  quae  ratione  sunt  maxime  pugnantia,  et  contra  ea  sunt  fide  pugnantia  quae  ratione  sunt  consentanea.  Hactenus  mentem  explicui  Pauli  ut  potui.  Si  videris  me  aliud  a  Paulo  sentire,  precor  te  ex  animo  ut  me  ad  Paulum  reducas.  Vale.1)  4255.  SERVATUS  CALVINO.  Proposuerat  ille  tres  quaestiones:  An  homo  Iesus  crucifixus  sit  filius  Dei?  an  regnum  Christi  sit  in  hominibus?  An  baptismus  debeat  in  fide  fieri?  Ad  quas  Calvinus  respondit  prima  vice  Tom.  VIII.  Opp.  p.  482;  altera  vero  post  refutationem  Serveti  sibi  oblatam  p.  487  seqq.  Iam  ad  hanc  secundam  responsionem  hic  iterum  rescribit  quae  quidem  Calvinus  suo  libello  contra  Servetum  edito  inserere  supervacaneum  duxit.  (Ex  autographo  Cod.  Genev.  113,  fol.  108.)  4254.1)  Be  autor  e  et  scripto  tacentes  docti  videbimur.