7:564  solymitani:  Visum  est  spiritui  sancto  et  nobis  (Act.  15,  28).  Itaque  saluberrimam  esse  conciliorum  autoritatem,  dubitare  debet  nemo.  Et  quod  ex  eodem  concilio  Hierosolymitano  intelligitur,  est  etiam  penes  ecclesiam  potestas  constituendi  canones:  idque  ad  utilitatem  ecclesiae,  cuius  potestas  omnis  est  ad  aedificationem  et  non  ad  destructionem.  De  ministris  ecclesiae.  Habet  ecclesia  doctrinam  divinitus  traditam,  quae  populo  explicanda  est  Habet  sacra  et  externa,  quae  pie  et  salubriter  ad  utilitatem  Christianorum  tractanda  sunt  atque  [pag.  24]  explicanda,  quo  minus  ministri,  qui  muneribus  ad  has  res  necessariis  funguntur,  eidem  ecclesiae  deesse  vel  possunt  vel  debent  Ac  munera  quidem  haec,  omnibus  Christianis  communia  non  sunt:  verum  Deus  ipse  initio  dedit  quosdam  quidem  apostolos,  quosdam  prophetas,  alios  vero  evangelistas,  alios  autem  pastores  et  doctores,  ad  consummationem  sanctorum,  in  opus  ministerii,  in  aedificationem  corporis  Christi  (Ephes.  4,  11).  Itaque  tempore  apostolorum  non  omnibus  data  fuit  potestas  ad  functionem  munerum  ecclesiae,  sed  certis  tantum,  iisque  ad  eadem  ipsa  segregatis.  Nam  quum  Antiochiae  esset  Barnabas,  Lucius,  Manahen  et  Saulus,  ministrantibus  illis  Domino  (ut  Lucas  in  Actibus  apostolorum  13,1  scripsit)  et  ieiunantibus,  dixit  illis  spiritus  sanctus:  Segregate  mihi  Saulum  et  Barnabam  in  opus  ad  quod  assumpsi  eos.  Cavendum  est  igitur  nobis,  ne  spirituale  sacerdotium  quod  omnibus  Christianis,  quos  spiritus  sanctus  unxit,  commune  est,  cum  hoc  externo  atque  ministeriali,  quod  non  omnium  est,  sed  eorum  tantum  qui  ad  hoc  vocati  atque  rite  ordinati  sunt,  confundamus:  quod  sine  gravi  ac  perniciosa  ecclesiarum  perturbatione  atque  calamitate  accidere  non  potest  De  pontifice  summo  et  episcopis.  Atque  ut  ecclesia,  quae  est  unius  capitis,  [pag.  25]  hoc  est,  Christi  unum  corpus,  eo  facilius  in  unitate  contineri  posset,  etsi  multos  habet  episcopos,  qui  populum  eius,  quem  Christus  pretioso  sanguine  suo  acquisivit  (Act.  20,  28),  regant,  idque  iure  divino:  unum  tamen  in  remedium  schismatis,  qui  caeteris  omnibus  praesit  cum  plenitudine  potestatis,  summum  pontificem  habet,  idque  pro  praerogativa  Petro  concessa:  quod  ipsum  quam  utile  sit  ad  avertenda  ab  ecclesia  schismata,  satis  constat  iis  qui  non  ignorant,  a  contemptu  huius  summi  sacerdotis  plerumque  schismata  orta  esse,  ut  Cyprianus  scribit,  et  res  ipsa  testatur.  Qui  igitur  cathedram  Petri  tenet  summus  pontifex,  eo  iure  quo  Petrus  accepit  a  Christo,  dicente:  Pasce  oves  meas  (Ioann.  21,  15),  universam  ecclesiam  et  gubernat  et  gubernare  debet  Qua  tamen  potestate  sua  uti  debet  non  ad  de-