6:564  les  idoles,  et  en  dissimulant  leur  Chrestiente  deshonnorent  Dieu,  evitent  par  ce  moyen  scandale.  Premierement  ilz  donnent  a  congnoistre  qu'ilz  n'ont  point  grand  zele  a  la  gloire  de  Dieu,  laquelle  ilz  profanent  ainsi:  puis  apres  ilz  [page  60]  induisent  les  autres  a  faire  de  mesme,  ie  diz  les  petis  et  foibles,  qui  ont  desia  quelque  goust  de  la  verite.  La  ou  autrement  ilz  feroyent  scrupule  de  se  maculer  en  idolatrie,  ilz  les  enhardissent  par  leur  exemple.  Finalement  ilz  conferment  les  incredules,  et  les  endurcissent  en  leurs  erreurs.  Si  cela  n'est  scandalizer:  ie  confesse  que  i'en  suis  au  bout  de  mon  sens.  Bien  est  vray  qu'ilz  n'oifensent  point  les  hommes  mondains,  pour  encourir  en  leur  malegrace:  et  ne  provoquent  personne  a  les  persecuter,  et  ne  donnent  point  occasion  de  murmurer  et  crier  a  l'encontre  d'eux:  mais  en  nourrissant  toute  idolatrie  par  leur  feintise,  ilz  sont  cause  de  faire  rompre  le  col  aux  uns,  et  de  faire  blesser  griefvement  les  autres,  de  faire  cheoir  les  uns,  et  de  faire  clocher  les  autres,  ou  de  s'esgarer  hors  du  droict  chemin.  Et  par  ainsi  tous  ensemble,  depuis  le  premier  iusque  au  dernier,  sont  aveugles  et  conducteurs  des  aveugles.  Car  en  suyvant  [page  61]  l'un  l'autre  comme  grues,  ilz  se  seduisant  mutuellement,  d'autant  que  nul  ne  suit  la  parolle  de  Dieu  ce  pendant,  laquelle  estoit  la  seule  vraye  reigle.  D'advantaige,  nous  avons  a  noter,  que  quand  sainct  Paul  nous  commande  de  condescendre  a  la  rudesse  ou  infirmite  de  noz  prochains,  pour  ne  leur  point  faire  scandale,  il  n'entend  pas,  que  nous  devions  faire  chose  mauvaise,  pour  leur  gratifier,  ne  que  nous  devions  user  de  simulation,  laquelle  ne  nous  est  point  licite  :  mais  qu'en  toutes  choses  moyennes,  1)  que  Dieu  a  autrement  laisse  en  nostre  liberte,  et  lesquelles  d'ellesmesmes  ne  sont  que  bonnes,  nous  ayons  esgard  a  eux,  pour  ne  les  point  troubler.2)  Parquoy  le  premier  fondement  seroit  tousiours,  de  considerer  si  la  chose,  dont  il  est  question,  nous  est  libre,  que  nous  en  puissions  user  en  une  sorte  ou  en  l'autre  purement,  sans  offenser  Dieu  ;  c'est  a  dire,  de  faire  une  ouvre  ou  la  laisser:  3)  d'user  d'une  chose,  ou  nous  en  abstenir,  [page  62]  Or  d'enclorre  l'idolatrie  en  ce  rang,  il  n'y  a  nul  propos.  Puis  donc  que  se  contrefaire  en  telle  sorte  qu'on  commette  toutes  abominations,  c'est  contre  la  defense  expresse  de  Dieu:  il  n'y  a  point  de  raison,  de  mettre  le  scandale  en  avant  pour  chercher  excuse  en  cest  endroict.  Ceux  qui  semblent  estre  les  plus  modestes,  se  voyant  desnuez  de  toute  excuse  legitime,  ne  de-  1)  indifferentes  1611  (mediis).  2)  ne  turbentur  aut  labefactentur.  3)  de  faire  une  euvre  ou  la  laisser,  manque  dans  le  latin.