5:564  l'Eglise.  Laquelle  parolle  nous  est  proposee  aux  escriptz  des  Prophetes  et  des  Apostres.  Or  nous  recongnoissons,  que  de  l'authorite,  laquelle  appartient  a  la  vraye  Eglise,  il  y  a  trois  parties.  La  premiere  est  de  rendre  tesmoignage  des  escriptz  Apostoliques,  ou  de  discerner  les  livres  [fol.  62]  des  Apostres  d'avec  ceux  qu'on  a  contrefaict  en  leur  nom.  Car  comme  ainsi  soit  que  plusieurs  livres  volassent  ca  et  la  soubz  leur  tiltre,  differens  de  ceux  qui  a  la  verite  estoyent  procedez  d'eulx:  on  a  retenu  ceux,  dont  les  Eglises  avoyent  bonne  memoire,  qu'ilz  estoyent  venuz  des  Apostres,  ou  aultres  serviteurs  de  Dieu  dignes  de  foy.  Apres  le  consentement  universel  des  fideles,  retenant  ceux  la,  a  reprouve  tous  les  aultres,  qui  ne  convenoyent  pas  avec.  Car  Eusebe  recite,  qu'il  y  a  eu  une  singuliere  diligence  de  conserver  ce  qui  avoit  este  baille  par  certaine  authorite,  et  le  discerner  des  livres  qu'on  a  faict  et  seme  a  la  volee.  Combien  donc,  que  ce  soit  un  singulier  oeuvre  et  benefice  de  Dieu,  d'avoir  conserve  certains  livres  des  Prophetes  et  Apostres  :  toutesfoys  si  fault  il  recongnoistre  en  cest  endroict,  tant  la  diligence  que  l'authorite  de  l'Eglise:  laquelle  a  en  partie  tesmoigne  des  escriptz  qui  estoyent  certains;  en  partie,  a  par  iugemens  spirituelz  reprouve  ceux,  qui  estoyent  indignes  d'estre  receuz;  et  n'accordoyent  pas  avec  les  vrais.  Pourtant  sainct  Augustin  nous  prise  l'authorite  de  l'Eglise  premiere,  recevant  les  livres  approuvez  par  le  consentement  commun  d'icelle:  et  reprouvant  ceux  que  de  nouveau  avoyent  forge  les  Manicheens.  A  ceste  cause,  il  dict:  Ie  ne  croiroye  point  a  l'Evangile,  si  ie  n'estoye  esmeu  de  l'authorite  de  l'Eglise  universelle.  Il  entend  qu'il  est  esmeu  par  les  tesmoignages  qu'il  avoit  accordans  ensemble  de  l'Eglise  ancienne,  pour  ne  doubter  que  les  livres  canoniques  ne  soyent  venuz  des  Apostres  et  aultres  semblables  escrivains  dignes  de  foy.  Secondement  il  fault  attribuer  a  l'Eglise  ceste