32:564  nostre  foy?  Il  n'y  a  nulle  excuse  pour  nous,  s'il  se  fait  ainsi.  Apprenons  donc  de  nous  servir  des  moyens  que  Dieu  nous  donne,  et  qu'il  nous  met  en  la  main,  et  que  sa  parole  ne  nous  soit  point  vaine  ny  inutile,  mais  qu'elle  nous  serve  comme  elle  doit.  Or  il  adiouste,  qu'il  a  eu  memoire  des  iugements  de  Dieu  des  le  commencement,  et  qu'il  en  a  este  console.  Yci  David  monstre  qu'il  s'est  conferme  (outre  la  parole)  en  tous  les  iugemens  que  Dieu  avoit  faits,  comme  c'est  ce  que  nous  avons  a  faire,  apres  avoir  medite  les  promesses  de  Dieu,  par  lesquelles  il  nous  testifie  qu'il  est  tousiours  prochain  de  ceux  qui  l'invoquent,  apres  avoir  cognu  ce  qu'il  declare  et  prononce,  d'abbatre  et  ruiner  les  meschans,  de  se  monstrer  leur  iuge:  qu'outre  cela  nous  recognoissions  comme  il  a  besongne  de  tous  temps,  comme  il  a  subvenu  aux  siens,  comme  il  les  a  delivrez  de  tous  les  maux  ausquels  ils  ont  este  :  et  puis  comme  il  a  desploye  son  bras  contre  les  meschans,  et  contre  les  contempteurs  de  sa  iustice.  Voyla,  di-ie,  comme  il  nous  faut  conioindre  les  oeuvres  de  Dieu  avec  sa  parole,  pour  plus  grande  confirmation  de  nostre  foy.  Et  c'est  ce  que  David  entend  en  ce  passage:  car  il  ne  parle  point  yci  des  iugemens  de  Dieu,  comme  il  a  fait  par  cy  devant,  et  fera  encores  cy  '  apres  :  c'est  ascavoir,  paur  ses  statuts  et  commandemens:  mais  il  signifie  les  actes  que  Dieu  a  fait  de  tout  temps,  pour  se  monstrer  iuge  des  hommes.  Vray  est,  que  tels  iugemens  que  Dieu  a  exercez,  sont  contenus  en  l'Escriture.  Mais  par  ce  qui  en  est  yci  dit,  nous  sommes  advertis  comme  nous  devons  lire  telles  histoires:  c'est,  en  recognoissant  que  Dieu  ne  defaut  iamais  a  ses  fideles:  et  puis,  quoy  qu'il  tarde,  qu'il  ne  laissera  point  les  meschans  impunis.  David  donc  a  medite  ces  iugemens-  la,  et  s'y  est  exerce.  Et  ainsi,  nous  avons  a  retenir,  quand  nous  aurons  fait  valoir  la  parole  de  Dieu  pour  resister  a,  Satan  et  a.  tous  les  assauts  qu'il  nous  dressera,  qu'il  faut  aussi  que  nous  scachions,  que  Dieu  n'a  pas  seulement  parle,  mais  qu'il  a  monstre  par  experience  que  sa  parole  n'est  vaine:  mais  qu'elle  avoit  son  execution  preste.  Et  pourtant,  quand  nous  verrons  que  Dieu  besongnera  ainsi  devant  nos  yeux,  qu'ils  nous  donnera  tant  de  tesmoignages  de  ses  iugemens,  ce  n'est  pas  raison  que  nous  laissions  passer  cela:  mais  que  nous  ayons  les  yeux  ouverts,  que  nous  cognoissions  les  choses  comme  elles  nous  sont  monstrees.  Quand  aussi  nous  aurons  senti  quelque  grace  de  Dieu  envers  nous,  que  cela  soit  bien  imprime  en  nostre  memoire.  Voyla  comme  il  nous  faut  ensuyvre  David,  en  ce  qu'il  dit,  Seigneur,  i'ay  pense  a  tes  iugemens.  Et  au  reste,  quand  il  est  dit,  qu'il  a  reduit  en  memoire  les  iugemens  de  Dieu,  ded  le  commencement