7:563  563  INTERIM.  564  Isaac  et  Iacob,  in  regno  coelorum  (Matth.  8,  ll).  Item:  Et  eritis  mihi  testes  in  Hierosolyma,  et  in  omni  Iudaea  et  Samaria,  et  usque  ad  ultimum  terrae  (Act.  1,  8).  Item:  Et  ego  rogabo  patrem  et  alium  paracletum  dabit  vobis,  ut  maneat  vobiscum  in  aeternum,  spiritum  veritatis,  quem  mundus  non  potest  accipere  (Ioann.  14,  16.  17).  Haec  duo  signa  distinguunt  ecclesiam  christianam  a  schismaticorum  atque  haereticorum  gregibus,  qui  vinculum  pacis  rumpunt,  et  a  catholica  unione  se  ipsos  in  suam  ipsorum  perniciem  divellunt,  dum  partem  suam  [pag.  22]  toti  atque  universae  ecclesiae  anteferunt.  De  autoritate  et  potestate  ecclesiae.  Etsi  scriptura,  ut  Christus  inquit  (Ioann.  10,  35),  solvi  non  potest,  et  idcirco  immobilis  et  omni  humana  autoritate  maior  est:  tamen  fuit  penes  ecclesiam  autoritas  discernendi  scripturas  veras  ab  adulterinis.  Hinc  est  ille  1)  canon  scripturarum,  qui  germanas  a  falsis,  quae  sub  nomine  apostolorum  atque  discipulorum  Domini  obtrudebantur,  discrevit.  Et  ut  ecclesia  huius  rei  autoritatem  potestatemque  habuit  semper,  sic  etiam  interpretandi  atque  adeo  ex  eisdem  scripturis  eliciendi  et  explorandi2)  dogmata:  quippe  quum  huic  spiritus  sanctus  non  desit,  qui  ipsam  in  omnem  ducat  veritatem,  quemadmodum  Christus  ipse  promisit.  Hinc  illud  Petri;  Omnis  prophetia  scripturae  propria  interpretatione  non  fit,  sed  spiritu  sancto  inspirati  loquuti8)  sunt  sancti  Dei  homines  (2  Pet.  1,  20).  Atque  haec  interpretandi  potestas  cum  primis  necessaria  est,  in  iis  praesertim  quae  difficilia  sunt  intellectu:  id  quod  res  ipsa  docet  Habet  praeterea  ecclesia  traditiones  a  Christo  et  apostolis  per  manus  episcoporum  ad  haec  usque  tempora  delatas:  quas  qui  convellit,  is  negat  eandem  columnam  esse  et  firmamentum  veritatis.  Huius  generis  sunt  baptismus  parvulorum  et  alia.  [pag.  23]  Constat  item,  potestatem  coercendi  atque  excommunicandi  esse  penes  ecclesiam,  idque  ex  instituto  Christi  de  potestate  ligandi  (Matth.  16,  19).  Huic  consentaneum  est  iliud  apostoli:  Tollite  malum  ex  vobis  (1  Cor.  5,  13).  Habet  item  potestatem  iuris  dicendi.  Nam  cui  c  ompetit  ius  coercendi,  et  potestas  iuris  dicendi  deesse  non  potest  Ac,  si  quaestiones  dubiae  oriantur  in  ecclesia,  habet  quidem  haec  potestatem  iudicandi  de  eisdem  atque  decernendi,  idque  per  synodum,  et  quod  haec,  in  spiritu  sancto  legitime  congregata,  decernit,  spiritus  ipse  sanctus  decernere  videtur,  iuxta  illud  concilii  Hiero-  1)  est  ille  omitt  Aug.  Mog.  Her  g.  et  ed.  Calv.  germ.  2)  explanandi  iidem  (erklaren,  expliquer).  3)  sic  loquuti  iidem  (also).  Non  vero  Gallus.