5:563  S'ENSUIVENT  LES  ARTICLES  DES  PROTESTANS  SUS  AUCUNS  POINCTZ  DU  LIVRE:  LESQUELZ  ILZ  N'APPROUVOYENT  PAS,  OU  NE  POUVOYENT  SIMPLEMENT  RECEVOIR.  1)  Le  premier  de  l'auctorite  des  Conciles.2)  Une  singuliere  reverence,  apres  celle  que  nous  portons  a  Dieu  et  a  sa  parolle,  est  deue  a  l'Eglise  :  laquelle  Dieu  a  tant  aymee,  qu'il  a  voulu  exposer  son  Filz  unique  en  sacrifice  pour  icelle,  a  laquelle  il  eslargit  son  sainct  Esprit:  en  laquelle  il  veult  estre  honnore  a  tout  iamais.  C'est  donc  un  office  de  piete,  de  bien  traicter  et  considerer,  et  recongnoistre  sans  ingratitude  tous  les  dons  desquelz  l'Eglise  est  aornee:  et  comment  Dieu  l'a  merveilleusement  conduicte  des  le  commencement.  Elle  a  le  Filz  de  Dieu  pour  Sauveur,  elle  a  l'Evangile:  elle  a  le  S.  Esprit  pour  gouverneur:  elle  a  le  ministere  dresse  et  entretenu  par  les  Peres  anciens,  les  Prophetes,  par  Christ  et  ses  Apostres.  Elle  a  des  Pasteurs:  et  la  puissance  de  constituer  Ministres  pour  espandre  l'Evangile  et  le  conserver.  Elle  a  aultres  dons  excellens,  comme  intelligence  et  interpretation  de  la  doctrine  envoyee  de  Dieu,  qui  est  une  sagesse  cachee:  et  congnoissance  du  vouloir  de  Dieu  toute  diverse  au  iugement  de  nostre  raison,  comme  au  chapitre  quatriesme  aux  Ephesiens  il  est  escript:  II  a  donne  des  Apostres  etc.  Elle  a  oultre  plus  l'administration  des  Sacremens,  sa  iurisdiction  spirituelle  et  ses  iugemens.  Mais  il  nous  fault  retenir  tousiours  ceste  reigle,  que  l'authorite  de  la  parolle  de  Dieu  est  plus  grande  que  de  homme  vivant,  que  de  tous  Evesques  et  Conciles,  et  mesmes  de  toute  1)  Le  texte  latin  se  trouve  chez  Bucer  p.  57  ss.,  chez  Melanchthon,  avec  une  preface,  Opp.  ed.  Witt.  IV.  729  ss.  et  dans  le  Corpus  Be  form.  IV.  348  ss.,  enfin  chez  Hergang  p.  224  ss.  L7auteur  des  Articles  est  Melanchthon;  ils  furent  remis  a  l'Empereur  et  a  la  diete  le  31  Mai  1541.  Dans  notre  texte  francais  il  y  a  des  additions  de  Calvin,  destinees  a  exposer  ses  opinions  personnelles.  Nous  aurons  soin  de  les  indiquer.  2)  JBhi  marge  on  a  mis  la  lettre  A.  Voyez  cidessus  page  533.