40:563  563  PRAELECTIONES  564  ergo  Chaldaei  tam  audacter  promittunt  se  fore  bonos  interpretes  somnii,  non  tantum  in  eo  produnt  suam  temeritatem,  sed  sunt  impostores  meri,  qui  scilicet  pollere  se  fingunt  scientiam  quae  nulla  est,  quasi  suis  coniecturis  possint  praedicere  quid  sibi  velit  illud  regis  somnium.  Iam  sequitur,  5.  Respondit  rex  et  dixit  Chaldaeis,  Sermo  a  me  exiit  (vel,  abiit),  si  non  indicaveritis  mihi  somnium  et  interpretationem  eius,  frusta  efficiemini.  (Alii  vertunt  sanguinem  ^Din  haddamin:  sed  receptior  est  altera  expositio:  et  quoniam  in  re  ipsa  parum  est  discriminis,  ideo  non  admodum  laboro),  et  domus  vestrae  ponentur  sterquilinium  (hoc  est,  redigentur  in  sterquilinium).  Hic  rex  exigit  a  Chaldaeis  plus  quam  ferebat  ipsorum  professio.  Etsi  enim  stolida  erat  iactantia  (quemadmodum  diximus)  promittere  interpretationem  cuiuslibet  somnii  :  tamen  hoc  sibi  nunquam  arrogaverant,  ut  cuique  narrarent  somnia.  Videtur  ergo  rex  inique  agere,  quod  non  respiciat  quid  ipsi  hactenus  professi  sint,  et  quinam  sint  fines  artis  et  scientiae,  si  qua  tamen  in  illis  fuisset  scientia.  Quod  dicit  rem  vel  sermonem  a  se  abiisse,  verba  haec  duplicem  sensum  admittunt:  nam  nn^D  millethah  potest  accipi  pro  edicto,  quemadmodum  postea  videbimus,  atque  ita  legendum  esset,  manavit.  Sed  quoniam  paulo  post  repetitur  haec  eadem  loquutio,  ubi  de  somnio  videtur  intelligi  (8  versu  scilicet)  non  male  quadrat  haec  expositio,  quod  rex  dicat  somnium  sibi  evanuisse:  quod  tamen  in  medio  relinquo.  Iterum  notare  operae  pretium  est  quod  heri  attigimus,  nempe  regi  insculptum  fuisse  terrorem,  ita  ut  non  posset  apud  se  quiescere:  et  tamen  interea  non  fuisse  ita  edoctum  ut  maneat  ullus  gustus  revelationis:  perinde  igitur  est  ac  si  bos  oestro  percitus  sese  agitaret  huc  et  illuc,  et  circumvolveret.  Talis  est  vesania  miseri  huius  regis,  quia  Deus  illum  vexat  diris  tormentis:  et  interea  prorsus  obliterata  est  memoria  somnii  ex  eius  animo.  Hoc  tamen  fatetur  somnium  sibi  excidisse:  et  quoniam  magi,  etiamsi  praescriberent  scientiae  suae  certos  fines,  tamen  gloriabantur  se  esse  interpretes  deorum:  rex  non  dubitat  ab  illis  exigere  quod  nunquam  professi  fuerant.  Ergo  haec  est  merces  arrogantiae,  quum  scilicet  homines  inflati  perversa  confidentia  apud  alios  etiam  plus  sibi  assumunt  quam  par  sit,  et  obliti  omnis  modestiae,  volunt  haberi  quasi  angelici  spiritus.  Nec  dubium  est  quin  Dominus  voluerit  quasi  per  ludibrium  traducere  stultam  gloriationem,  quae  vigebat  inter  Chaldaeos,  quum  rex  praecise  ab  illis  postulat,  ut  somnium  narrent,  deinde  afferant  eius  expositionem.  Postea  adiungit  minas,  sed  plane  tyrannicas,  nisi  somnium  exponant,  actum  esse  de  ipsorum  vita.  Neque  vul-