32:563  563  SEPTIEME  SERMON  564  veut  navrer  mortellement.  Or  pour  repousser  ses  coups,  il  est  besoin  que  nous  soyons  armez  et  de  la  parole  de  Dieu,  qui  est  nostre  glaive,  et  du  bouclier  de  foy  et  du  heaume  d'esperance:  ainsi  que  sainct  Paul  nous  exhorte  de  le  faire.  Voyla  donc  un  poinct:  qu'il  ne  nous  faut  point  estre  trop  attachez  aux  hommes  quand  ils  nous  feront  telles  fascheries:  mais  que  nous  regardions  plus  loin,  c'est  ascavoir,  a  Satan,  qui  par  tels  assauts  et  combats  tasche  d'aneantir  nostre  foy,  s'il  luy  est  possible.  Or  la  protestation  que  fait  David,  merite  bien  d'estre  notee,  quand  apres  s'estre  plaint  de  tels  opprobres  ct  gaudisseries  'des  meschans,  il  adiouste,  Neantmoins,  ie  ne  me  suis  point  destourne  de  ta  Loy,  Seigneur,  Concluons  donc  si  nous  avons  la  parole  de  Dieu,  que  quand  tout  le  monde  auroit  conspire  pour  nous  en  divertir,  il  faut  que  nous  demeurions  la��  fermes,  que  nous  y  soyons  attachez,  que  nous  y  adherions  tellement  que  iamais  nous  n'en  puissions  estre  destournez.  C'est  dequoy  nous  doit  servir  ceste  protestation  :  ascavoir,  a  nous  fortifier  en  constance:  a��  ce  que  nous  scachions,  que  si  David  a  este  ainsi  maintenu  en  l'esperance  qu'il  avoit:  qu'-  auiourd'huy  la  verite  de  Dieu  n'est  point  diminuee.  Il  nous  convient  donc  faire  valoir  les  promesses  de  Dieu,  et  qu'elles  nous  soyent  tellement  certaines,  que  nous  ne  soyons  point  esbranlez  ny  esmeus  pour  toutes  les  moqueries  et  derisions  que  nous  pourront  faire  les  meschans.  Notons  aussi,  que  David  ne  parle  yci  d'un  seul  combat,  ou  d'une  parole  iettee  a  la  volee,  comme  quelquesfois  il  eschappera  un  brocard  a  la  traverse  aux  meschans:  mais  il  a  fallu  que  le  sainct  Prophete  fust  larde:  comme  il  le  declare,  Ils  se  sont  moquez,  voire  tant  et  plus.  Appliquons  cest  exemple  a  nous,  pour  ne  point  defaillir  a  un  seul  combat,  qui  nous  sera  dresse  par  Satan  et  par  ses  supposts:  mais  que  nous  perseverions  en  tous  combats:  et  quand  nous  serons  venus  a  bout  du  premier,  que  nous  soyons  prests  d'entrer  en  l'autre,  et  que  iamais  nous  ne  changions  de  propos  ne  de  volonte,  pour  quelque  chose  qui  nous  advienne:  que  les  brocards  et  les  moqueries  des  meschans,  et  mesme  tout  ce  que  Satan  inachinera  a  l'encontre  de-nous,  que  tout  cela  n'empesche  pas  que  nous  ne  demeurions  fermes  en  la  foy,  sans  nous  destourner  de  la  Loy  de  Dieu,  a  l'exemple  de  David,  comme  nous  oyons  qu'il  en  fait  yci  protestation.  Et  si  David  a  eu  une  telle  fermete  de  f��y>  ayant  la  Loy  tant  seulement,  nous  qui  avons  la  doctrine,  laquelle  nous  a  este  donnee  par  luy,  par  les  Prophetes  qui  sont  venus  depuis,  par  nostre  Seigneur  Iesus  Christ  et  par  les  Apostres:  nous  donc  qui  avons  des  aides  beaucoup  plus  convenables,  que  n'avoit  point  David,  devons-nous  estre  esbranlez  quand  le  diable,  et  les  meschans,  et  tous  les  tisons  d'enfer,  tous  ces  boute  -  feux  viendront  assaillir