25:563  563  COMMENTARIUS  IN  IOSUE  CAP.  XXIV.  564  possedistisque  terram  eorum,  ac  delevi  eos  a  facie-vestra.  9.  Surrexit  autem  Balac  filius  Sippor  rex  Moab,  et  praeliatus  est  cum  Israel  misitque  et  vocavit  Bileam  filium  Beor,  ut  malediceret  vobis:  10.  Et  nolui  audire  Bileam,  sed  benedixi  benedicendo  vobis,  et  liberavi  vos  e  manu  eius.  l  l  .  Transistisque  Iordanem,  et  venistis  ad  Iericho:  pugnaveruntque  contra  vos  viri  Iericho,  Emorrhaeus,  et  Perizaeus,  et  Chananaeus,  et  Hittaeus,  et  Girgasaeus,  et  Hivaeus,  et  Iebusaeus:  tradidique  eos  in  manum  vestram.  12.  Et  misi  ante  vos  crabrones,  qui  expulerunt  eos  a  facie  vestra,  duos  reges  Emorrhaei,  non  gladio  tuo,  nec  arcu  tuo.  13.  Dedique  vobis  terram  in  qua  non  laborastis,  et  urbes  quas  non  aedificastis,  et  habitastis  in  eis:  vineas  et  oliveta  quae  non  plantastis,  comeditis.  14.  Nunc  ergo  timete  Iehovam,  et  servite  ei  inperfectione,  et  veritate,  et  auferte  deos  quibus  servierunt  patres  vestri  trans  flumen,  et  in  Aegypto,  et  servite  Iehovae.  1.  Congregavit  itaque.  Iam  meo  iudicio  fusius  explicat  quae  ante  brevius  retulit.  Neque  enim  consentaneum  fuisset  bis  eadem  de  causa  populum  extrahere  in  alienum  locum.  Ergo  repetitione  series  historiae  contexitur.  Ideo  particulam  expletivam,  Itaque  posui,  quae  coeptam  narrationem  continuet.  Exprimit  autem  quod  ante  tacuerat,  stetisse  omnes  coram  Deo,  quo  sanctior  dignitas  et  religio  conventus  designatur.  Neque  enim  dubium  quin  solenni  ritu  invocaverit  Iosue  Dei  nomen:  et  tanquam  in  eius  conspectu  ad  populum  concionatus  sit,  ut  reputarent  pro  se  quisque,  Deum  omnium  quae  agebantur  esse  praesidem,  nec  privatum  negotium  se  illic  tractare:  sed  sacrum  et  inviolabile  pactum  confirmare  cum  ipso  Deo.  Adde  quod  paulo  post  additur,  illic  fuisse  sanctuarium:  unde  probabile  est,  arcam  foederis  eo  fuisse  traductam,  non  mutandi  loci  causa,  sed  ut  in  actione  tam  seria  se  sisterent  ad  terrestre  Dei  tribunal.  Nulla  enim  religio  vetabat,  arcam  moveri:  et  locus  Sichem  non  procul  distabat.  2.  Trans  flumen.  Exordium  sumit  a  gratuita  eorum  adoptione,  qua  sic  Deus  eos  anteverterat,  ne  quam  praestantiam,  vel  quod  meritum  iactare  possent.  Nam  actiore  vinculo  eos  sibi  Deus  devinxerat,  quod  quum  reliquis  pares  essent,  eos  tamen  sibi  collegerat  in  peculium  non  alio  respectu  quam  meri  beneplaciti.  Porro  ut  clare  appareat  nihil  esse  in  quo  glorientur,  ad  suam  originem  ipsos  adducit,  et  commemorat  patres  ipsorum  in  Chaldaea  sic  habitasse,  ut  communiter  idola  cum  aliis  colerent,  nec  quidquam  differrent  a  vulgo.  Unde  colligitur,  Abraham  quum  in  idololatria  demersus  esset,  fuisse  quasi  ab  inferis  extractum.  Iudaei  quidem  ut  falsam  generis  dignitatem  sibi  arrogent,  fabulantur  patrem  suum  Abraham,  quum  nollet  ignem  chaldaicum  pro  deo  agnoscere,  profugum  fuisse  a  patria.  Verum  si  ad  consilium  spiritus  attendimus,  nihilo  magis