7:562  tamen  eis  verbum  Dei  audire,  et  sacramentis  item  uti  licet,  utiliter  hisce  tanquam  instrumentis  divinae  gratiae  in  communionem  sanctorum  restitui  facilius  possunt:  praesertim  quum  in  ecclesia  etiam  externa  spiritus  sanctus  salutem  per  verbum  Dei  et  sacramenta  operetur.  Verum  schismatici,  haeretici,  et  a  fide  christiana  desciscentes,  quia  non  solum  a  spirituali  sed  etiam  externa  ecclesiae  societate  seiuncti  sunt,  quamdiu  in  hoc  calamitoso  sunt  statu,  non  habent  quo  possint  iuvari  ac  recreari.  Imo  tanquam  membra  a  toto  ecclesiae  corpore  abscissa,  in  suam  ipsorum  perniciem  putrescunt,  non  [pag.  20]  digni  qui  in  ulla  corporis  Christi  parte  consistant,  cuius  unitatem  tam  turpiter  scindunt  atque  lacerant.  Hinc  illud  apostoli:  Hominem  haereticum  post  unam  et  alteram  admonitionem  devita,  sciens  quia  subversus  est  qui  huiusmodi  est,  et  delinquit,  quum  sit  proprio  iudicio  condemnatus  (Tit.  3,  10.  ll).  De  notis  et  signis  ecclesiae  verae.  Ac  quoniam  varii  sunt  coetus  humanae  consociationis,  operae  pretium  est  notas  et  signa,  quibus  ecclesia  ab  aliis  societatibus  humanis  discernatur,  nosse:  quum  praesertim,  qui  ab  ecclesia  vera  deficiunt,  schismatici  atque  haeretici  constituant  suos  coetus,  eisque  autoritatem  et  nomen  ecclesiae  adiungere  non  dubitent,  et  alii  eorum  alio  in  loco  Christum  esse  dicant:  a  quibus  ut  caveamus  nobis.  Christus  ipse  monet  (Matth.  24,  26).  Sunt  igitur  signa  ecclesiae  verae,  hoc  est,  magnae  illius  domus,  in  qua  non  solum  sunt  vasa  aurea  et  argentea,  sed  et  lignea  et  fictilia,  et  quaedam  in  honorem,  quaedam  in  contumeliam  (2  Tim.  2,  20)  :  doctrina  sana,  et  rectus  sacramentorum  usus,  quibus  ab  ethnicorum  et  Iudaeorum  coetibus  ecclesia  disiungitur:  quorum  utrique  et  sana  doctrina  et  sacramentis  Novi  Testamenti  carent  Tertium  signum  est  unitas,  quae  vinculo  caritatis  et  pacis  continetur,  ac  membra  ecclesiae  ita  conglutinat,  [pag.  21]  ut  non  solum  quod  perpetuus  sanctorum  consensus  ab  apostolis  usque  ad  nos  recepit  et  approbavit,  idem  sentiant,  sed  etiam  idem  loquantur,  monente  apostolo:  Obsecro  autem  vos  per  nomen  Domini  nostri  Iesu  Christi,  ut  id  ipsum  dicatis  omnes,  et  non  sint  in  vobis  schismata  :  sitis  autem  perfecti  in  eodem  sensu,  et  in  eadem  sententia  (1  Cor.  1,  10).  Quartum  signum  ecclesiae  verae  est,  quod  sit  catholica  et  universalis,  hoc  est,  per  omnia  loca  et  tempora  diffusa,  et  per  apostolos  eorumque  successores  continuata  usque  ad  nos  successione,  propagata  usque  ad  fines  terrae,  iuxta  promissiones  Dei:  Postula  a  me,  et  dabo  tibi  gentes  haereditatem  tuam,  et  possessionem  tuam  terminos  terrae  (Psal.  2,  8).  Item:  Multi  venient  ab  occidente  et  oriente,  et  recumbent  cum  Abraham,  36