5:562  l'Eglise  ayent  le  soing,  que  tous  en  general  et  particulier,  conforment  leur  vie  et  meurs,  selon  la  doctrine  Evangelique,  a  celle  fin  qu'ilz  servent  a  leur  vocation,  estudians  a  paix  et  tranquilite.  D'avantage  l'usage  des  elefz,  qui  est  appelle  de  iurisdiction,  doit  estre  remiz  en  l'Eglise,  tant  que  faire  se  pourra,  et  la  censure  Ecclesiastique  doit  estre  remise  en  son  entier  selon  celle  des  Apostres  et  des  Canons  anciens:  a  celle  fin  que  ceux  qui  sont  publiquement  vicieux,  impurs,  rebelles,  mutins,  et  contentieux,  qui  sont  en  scandale  a  l'Eglise,  soyent  repoulsez  et  reiectez  de  la  communion,  et  de  l'office  divin,  iusque  a  ce  qu'ilz  se  soyent  amendez.  Aussi  on  doit  remettre  en  son  entier  la  penitence  publique,  tant  que  faire  se  pourra,  en  telle  sorte,  que  ceux,  qui  ont  peche  publiquement,  ne  soyent  point  receuz  en  l'Eglise,  sinon  qu'apres  avoir  faict  confession  et  obtenu  reconciliation,  et  ce,  selon  la  moderation  que  le  temps  present  requiert.  Finablement  touchant  les  ieusnes,  election  des  viandes,  festes  et  aultres  semblables  exercices  corporelz,  qui  sont  en  partie  cerimoniaux,  en  partie  concernans  la  discipline,  on  s'accordera  facillement,  moyennant  que  cest  office  soit  commis  et  delegue  a  quelques  personnages  craignans  Dieu  et  scavans:  a  celle  fin,  qu'ilz  reduisent  toutes  ces  choses  a  telle  moderation,  qu'elles  ne  mettent  la  corde  au  col  a  personne  ou  qu'elles  soyent  en  charge:  ains  pour  nous  rendre  plus  promptz  et  allegres  a  exercer  piete,  et  oeuvres  veritablement  bonnes:  lesquelles  le  decalogue  et  Evangile  commande.  Fin  du  Livre  mis  en  avant  par  l'Empereur,  monstrant  aucunement  le  moyen  de  quelque  accord.  Calvini  opera-  Vol.  V.