40:562  quo  scilicet  postea  illustrius  esset  vaticinium,  quod  videbimus.  Nunc  sequitur,  3.  Et  dixit  illis  rex,  Somnium  somniavi,  et  contritus  est  spiritus  meus,  ad  sciendum  (vel,  intelligendum)  somnium.  Adiungam  proximum  versum:  4.  Et  dixerunt  Chaldaei  regi  syriace,  Hex  in  aeternum  vive:  dic  somnium  servis  tuis,  et  expositionem  indicabimus.  Primo  narrat  Daniel  quanta  fuerit  confidentia  in  Chaldaeis,  dum  audent  somnii  sibi  adhuc  incogniti  interpretationem  promittere.  Rex  dicit  se  fuisse  turbatum,  ut  somnium  intelligeret:  quo  significat  quasi  aenigma  sibi  fuisse  divinitus  propositum.  Fatetur  ergo  hic  suam  ignorantiam:  et  potest  ex  eius  verbis  colligi  rei  magnitudo.  Quum  ergo  rex  testetur  se  velle  sciscitari  de  re  obscura  et  profunda,  et  quae  sensum  suum  excedit:  quum  diserte  exprimat  se  fuisse  contritum  spiritu,  debuit  tangere  Chaldaeos  ipsos  aliquis  timor,  vel  aliqua  sollicitudo.  Atque  secure  promittunt  se  fore  optimos  interpretes  somnii  simul  ac  intellexerint.  Quod  dicunt,  Hex  in  aeternum  vive  non  est  simplex,  vel  nuda  precatio:  sed  potius  iubent  bono  et  alacri  animo  esse  regem,  quia  possint  illi  eximere  omnem  curam  et  molestiam  ex  animo,  quia  in  promptu  sit  expositio  somnii.  Et  scimus  quam  liberales  semper  fuerint  illi  impostores  in  verbis:  unde  etiam  illud  veteris  poetae,  Locupletasse  aliorum  aures,  et  crumenas  exinaniisse.  Et  digni  certe  sunt  curiosi  captantes  ventum  suis  auribus  qui  pascantur  vento,  et  capiantur  etiam  talibus  decipulis.  Sed  hoc  fuit  omnibus  saeculis  compertum,  nihil  esse  confidentius  astrologis,  qui  scilicet  non  contenti  vera  scientia,  divinant  de  cuiusque  vita  aut  morte,  coniiciunt  omnes  eventus:  denique  profitentur  sibi  nihil  esse  occultum.  In  genere  tenendum  est,  stulte  et  temere  artem  fuisse  factam  ex  coniecturis  somniorum.  Etsi  enim  aliqua  est  et  quidem  certa  somniorum  interpretatio,  ut  heri  dictum  fuit,  tamen  ut  postea  videbimus,  non  debet  hoc  adscribi  certae  scientiae,  sed  est  singulare  donum  Dei.  Quemadmodum  ergo  propheta  non  colliget  certis  rationibus  quid  dicturus  sit,  sed  explicabit  oracula  Dei:  sic  etiam  qui  recte  volet  interpretari  somnium,  non  habebit  certas  regulas  quas  sequatur,  verum  si  Deus  patefecerit  quid  sibi  velit  somnium,  tunc  interpretis  partes  suscipiet,  qui  tali  dono  praeditus  est.  Et  proprie  loquendo  haec  sunt  antitheta,  quae  inter  se  non  conveniunt,  scientia  generalis  et  perpetua,  deinde  specialis  revelatio.  Quum  ergo  hoc  sibi  vendicet  Deus,  patefacere  quod  per  somnium  iam  insculpsit  hominum  mentibus,  sequitur  non  posse  constitui  artem  et  scientiam,  sed  exspectandam  esse  revelationem  a  spiritu.  Quod  36