32:562  plus  que  soy-mesme.  Que  nous  n'estudions  pa6  a  nous  advancer,  et  a  nous  faire  valoir,  en  reiettant  les  autres,  et  en  les  reculant:  mais  que  nous  cognoissions  le  bien  que  Dieu  a  mis  en  chacun,  et  les  infirmitez  et  les  vices  qui  sont  en  nous,  afin  de  nous  abaisser,  et  que  les  autres  soyent  plustost  prisez  de  nous.  Or  venons  maintenant  a  ceste  complainte  que  fait  David,  et  a  ceste  protestation,  Les  orgueilleux  se  sont  moquer  de  moy,  et  toutesfois,  Seigneur,  ie  ne  me  suis  point  destourne  de  ta  Loy.  Quand  il  dit,  que  les  orgueilleux  se  sont  moquez  de  luy,  il  n'y  a  nulle  doute,  qu'il  ne  signifie  qu'ils  se  sont  moquez  de  sa  simplicite,  pource  qu'il  s'estoit  fie  en  Dieu.  Et  bien,  il  sembloit  que  Dieu  le  deust  tenir  en  son  giron,  et  on  voit  maintenant  comme  il  en  est.  Voyla  les  combats  que  Satan  nous  fera  tous  les  iours.  Quand  les  meschans  voyent  les  enfans  de  Dieu  en  quelque  fascherie,  ils  se  ruent  du  premier  coup  sur  eux,  Ha,  ha,  il  sembloit  bien  a  cestuy-  cy  que  Dieu  devoit  veiller  sur  luy,  et  que  iamais  il  ne  luy  devoit  advenir  nul  mal:  et  nous  voyons  maintenant  ou  il  en  est.  Qui  l'eust  ouy  parler,  il  sembloit  bien  que  Dieu  iamais  ne  le  delaisseroit.  On  voit  maintenant  que  c'est.  Il  est  vray,  que  les  meschans,  de  leur  propre  mouvement  et  inclination,  desgorgeront  bien  tels  blasphemes:  mais  si  est-ce  encores  que  cela  vient  de  plus  haut,  que  Satan  les  y  incite  et  les  y  pousse,  afin  d'esbranler  leur  foy,  ouy,  et  de  l'aneantir  du  tout.  Or  ce  n'est  point  seulement  pour  un  coup  que  David  a  este  ainsi  combatu:  cela  luy  estoit  un  ordinaire:  sur  tout  comme  nous  voyons  au  Pseaume  vingtdeuxieme,  Et  il  s'est  confie  en  Dieu:  maintenant  qu'il  le  sauve:  qu'on  voye  si  Dieu  luy  aidera,  ou  non.  Et  comme  David  a  eu  ces  tormens-la,  ii  a  fallu  que  Iesus  Christ  ait  soustenu  de  tels  combats.  Et  puis  que  cela  a  compete  au  Fils  de  Dieu,  notons  qu'il  faut  qu'il  soit  espandu  par  tous  ses  membres,  et  qu'un  chacun  fidele  soit  exerce  par  telles  tentations.  Et  pourtant,  si  nous  voyons  que  les  meschans  et  ennemis  de  Dieu  se  gabent,  quand  nous  serons  en  affliction,  qu'ils  prennent  occasion  par  la  de  lever  les  cornes,  et  de  se  moquer  de  nous,  ne  soyons  point  vaincus  pour  cela:  mais  demeurons  fermes  et  constans,  puis  que  David  nous  a  monstre  le  chemin:  et  non  seulement  luy,  mais  nostre  Seigneur  Iesus,  auquel  il  faut  que  nous  soyons  conformez:  et  pourtant,  il  faut  que  nous  prenions  courage  de  le  suyvre.  Voyla  quant  au  premier.  Pour  le  second,  notons  que  nous  n'avons  point  la  guerre  aux  hommes,  quand  les  meschans  s'eslevent  ainsi  contre  nous,  et  qu'ils  desgorgent  telles  moqueries  :  que  cela,  dy-ie,  ne  procede  point  d'eux  :  mais  c'est  Satan  qui  nous  iette  ses  dards,  et  nous  36