25:562  necessitudo  scelerum  societate  nos  involvat.  Nam  plus  quam  difficile  est,  ubi  sponte  nos  miscemus,  non  aliqua  labe  vel  macula  aspergi.  Sed  hoc  caput  quia  alibi  expositum  fuit,  leviter  tantum  iam  attingo.  14.  En  autem  ego.  Quoniam  statutum  est  omnibus  semel  mori  (Heb.  9,  27),  dicit  Josue  sibi  instare  exitum  qui  manet  cunctos  homines,  quia  ipse  quoque  mortalis  natus  sit.  Haec  porro  verba  ad  populi  consolationem  accommodat,  ne  se  immodico  moerore  excrucient  propter  orbitatem,  quum  illis  ereptus  fuerit.  Neque  enim  dubium  est,  quin  reliquerit  inaestimabile  sui  desiderium,  quum  populus  quasi  capite  ablato  truncum  se  et  mutilum  videret��  Ergo  admonet,  quum  vitae  curriculum  suo  quasi  stadio  finitum  sit,  non  esse  poscendum,  ut  alia  sit  sua  quam  totius  humani  generis  conditio.  Interea  non  significat  promiscuam  esse  omnibus  moriendi  formam,  quia  semen  incorruptibile  coelestis  doctrinae  fideles  ab  incredulis  discernit,  ne  pariter  intereant:  sed  hic  tantum  attingit  quod  commune  est,  nempe  peracto  vitae  cursu  e  mundo  migrare.  Summa  autem  sermonis  huc  redit,  quemadmodum  beneficiis,  et  promissionum  suarum  eventu  Deus  se  veracem  probaverat:  ita  non  irritas  nec  inanes  fore  eius  minas,  quin  ultimo  eorum  interitu  ulciscatur  cultus  sui  profanationem.  CAPUT  XXIV.  1.  Congregavit  itaque  Iosue  omnes  tribus  Israel  in  Sichem,  vocavitque  seniores  Israel,  et  capita  eius,  iudicesque  eius,  ac  praefectos  eius:  steteruntque  coram  Deo.  2.  Dixitque  Iosue  ad  universum  populum:  Sic  dicit  Iehovah  Deus  Israel:  Trans  flumen  habitaverunt  patres  vestri  a  saeculo,  ut  Thare  pater  Abraham,  et  pater  Nachor,  servieruntque  diis  alienis.  3.  Et  tuli  patrem  vestrum  Abraham  e  loco  qui  erat  trans  flumen,  et  deduxi  per  universam  terram  Chanaan:  multiplicavique  semen  eius,  et  dedi  ei  Isaac.  4.  Et  dedi  ipsi  Isaac  Iacob  et  Esau:  tradidique  ipsi  Esau  montem  Seir,  ut  possideret  eum:  Iacob  autem  et  filii  eius  descenderunt  in  Aegyptum.  5.  Misique  Mosen  et  Aharon  et  percussi  Aegyptum,  quemadmodum  feci  in  medio  eius,  et  postea  eduxi  vos.  6.  Et  eduxi  patres  vestros  ex  Aegypto,  devenistisque  ad  mare,  et  persequuti  sunt  Aegyptii  patres  vestros  cum  curribus,  et  equitibus  usque  ad  mare  rubrum.  7.  Tum  clamaverunt  ad  Iehovam,  et  posuit  caliginem  inter  vos  et  Aegyptios:  induxitque  super  eum  mare,  ac  operuit  eum:  et  viderunt  oculi  vestri  quae  feci  in  Aegypto,  et  habitastis  in  solitudine  in  diebus  multis.  8.  Postea  adduxi  vos  ad  terram  Emorrhaei  habitantis  trans  Iordanem:  praeliatique  sunt  vobiscum,  et  tradidi  eos  in  manum  vestram  :  36