20:562  agit,  qui  in  doctrina  ausus  est  toti  nostrae  ecclesiae  resistere,  in  ea  praesertim  quae  est  de  divortio  viri  ab  uxore  et  uxoris  a  viro  in  fornicationis  causa.  Ait  quidem  liberum  esse  dimittere  at  non  alteri  nubere,  idque,  quod  deterius  est,  a  te  didicisse:  ita  ut  tua  autoritate  fretus  nonnullos  ad  opinionem  suam  attraxerit,  imo  et  a  nostris  concionibus  sub-��  duxit.  Tuum  ergo  erit,  priusquam  hic  morbus  recrudescat,  antidotum  adhibere  ac  in  re  tam  seria  tuum  nobis  iudicium  patefacere.  Scimus  enim  te  sanctis  doctoribus  tum  priscis  tum  modernis  consentire,  etsi  Augustinus  videatur  contrariae  opinioni  suffragari.  Aliud  praeterea  quod  te  volebam  accipe.  Incidit  ratione  aeris  alieni  controversia  inter  vestrum  Robertum  Stephanum,  quem  pium  novimus,  et  Robertum  Herault  nostrum,  qui  obnixe  rogat,  priusquam  vocetur  in  ius,  suas  partes  audiri.  Vide  pro  tua  humanitate  ut  utrique  ius  tribuatur,  ut  penitus  scandalum  vitetur  et  controversia  bona  pietate  dissolvatur.  Plura  occurrunt  inter  Gallos  et  Anglos  quae  ad  te  scribere  non  iudicavi,  partim  quod  tuas  pias  aures  nolim  rumoribus  obtundere,  partim  quod  ab  aliis  fusius  intelligas.  Dominus  Iesus  Christus  te  diu  suae  ecclesiae  servet  incolumem.  Ego  et  symmysta  meus  ac  tota  nostra  ecclesia  te  iubemus  sal  vere  plurimum  ac  omnes  symmystas  tuos.*)  Tui  amantissimus  filius  Franciscus  Perrucellus.  PHAGIUS  CALVINO.  Post  longum  et  fastidiosum  exordium  sententiam  eius  sibi  expetit  de  loco  Paulino,  qui  quum  Rabbinorum  artem  dialecticam  iam  per  se  redoleat  hic  magis  etiam  ad  mentem  scholasticorum  discutitur,  et  quidem  intricatiore  stilo,  cui  distinctionibus  interpositis,  quae  in  Codice  vel  falsae  vel  nullae  sunt,  vix  mederi  potuimus.  (Ex  autographo  Cod.  Genev.  109,  fol.  189.)  4253.  Epistola  haec  omnino  nihil  suppeditat  quod  ad  definiendos  eius  natales  faciat.  PerruceMus  Londinensis  ecclesiae  peregrinorum  minister  fuit  ab  a.  1550  (Aug.)  usque  ad  a.  1553  (Iul.).  Ex  ea  urbe  nullam  aliam  habemus.  Eandem  commendare  nobis  posset  mentio  Anglorum  et  prophetiae  a  Lasco  ibi  introductae  (Kuyper  IL  102  seqq.).  Verum  etiam  Vesaliae  et  Francofurti  Angli  erant.  Stephanus  obiit  1559.  36