7:561  561  INTERIM.  562  permeet^  singula  membra  percipiant  ex  eo,  quantum  sibi  satis  sit  ad  salutem  :  et  quod  singulis  bonum  contingit,  id  omnibus  commodare,  atque  adeo  universitati  ipsi  consulere.  Nam  (ut  ait  apostolus  Ephes.  4,  16)  crescunt  membra  in  caritate  per  omnia  in  illo,  qui  est  caput  Christus:  ex  quo  totum  corpus  compactum  et  connexum  per  omnem  iuncturam  subministrationis,  secundum  operationem  uniuscuiusque  membri,  augmentum  corporis  facit  in  aedificationem  sui  in  caritate.  In  tali  coniunctione  atque  societate  hominum  est  summa  coniunctio,  dum  membra  pro  se  invicem  sollicita  sunt,  et  sive  patitur  membrum  unum,  compatiuntur1)  omnia  membra,  sive  gaudet  [pag.  18]  unum  membrum,  congaudent  omnia  membra  (1  Cor.  12,  26).  El  quanquam  ecclesia,  quatenus  constat  membris  talibus,  quae  secundum  caritatem  vivunt,  sanctorum  est  tantum,  et  eatenus  spiritualis  et  invisibilis:  eadem  tamen  etiam  sensibilis  est,  qualem  Christus  ipse  monstrat,  inquiens:  Dic  ecclesiae  (Matth.  18,  17).  Ad  hanc  eandem  pertinent  episcopi,  qui  regunt  populum,  quem  Christus  sanguine  suo  acquisivit  Pertinent  alii  item  ministri.  Dedit  namque  Deus  quosdam  quidem  apostolos,  quosdam  autem  prophetas,  alios  vero  evangelistas,  alios  pastores  et  doctores  (Ephes.  4,  l  l  )  .  Ad  hanc  eandem  ecclesiam  pertinet  verbum  Dei,  quod  in  aures  influit:  pertinent  sacramenta,  pertinent  claves  ligandi  atque  solvendi,2)  pertinet  potestas  coercendi  per  excommunicationem,  pertinet  ius  ordinandi  ministros  ecclesiae,  pertinent  vocationes  ad  munera  ecclesiastica,  pertinet  denique  ius  sanciendi  canones.  Debent  autem  quae  ad  sensibilem  et  externam  ecclesiae  partem  pertinent  servire  ad  consummationem  sanctorum,  in  opus  ministerii,  in  aedificationem  corporis  Christi  (Ephes.  4,  12).  Iam  in  ecclesia  non  solum  sancti,  sed  etiam  mali,  ut  eius  membra,  licet  arida,  versantur:  unde  eam  Christus  modo  reti  in  mare  iacto,  et  tam  bonos  quam  malos  pisces  comprehendenti,  modo  agro  seminato,  bonas  fruges  et  zizania  simul  [pag.  19]  ferenti,  comparat  (Matth.  13,  24.  47):  nam  qui  membra  facti  sunt  ecclesiae  per  baptisma,  recidunt  saepe  in  crimina:  faciuntque  se  servos  peccati  atque  aeternae  damnationis  reos.  Et  quanquam  gratiam  communionis  sanctorum  et  spiritualis  ecclesiae  amittunt,  haerent  tamen  nihilominus  in  externa  Christianorum  societate  atque  ecclesia:  audiunt  verbum  Dei,  et  sacramenta  capiunt,  et  alia  item  sensibilia  cum  ecclesia  habent  communia,  nisi  vel  per  excommunicationem  iustam,  vel  per  schisma,  vel  per  haeresin,  vel  per  defectionem  a  fide  christiana  abscindantur.  Misera  est  quidem  conditio  eorum,  qui  ex  peccato  mortali  languent,  et  a  spirituali  communione  remoti,  in  periculo  aeternae  damnationis  versantur.  Sed  quia  1)  patiuntur  iidem.  2)  absolvendi  iidem.  Calvini  opera.  Vol  VII.