5:561  ACTES  DE  RATISBONNE.  res,  instituans  le  peuple,  et  eux  mesmes  par  predications,  en  telle  sorte  toutesfoys,  qu'ilz  n'apportent  aucun  preiudice  aux  Curez  en  leur  office,  faisans  Jes  choses,  qu'ilz  doyvent  faire,  selon  les  anciens  Canons.  Or  a  celle  fin,  qu'on  puisse  avoir  telz  Ministres  et  Moynes,  il  fauldra  establir  des  escolles  aux  Eglises  cathedrales  et  collegiales,  et  aussi  aux  Monasteres:  esquelles  soyent  deputez  gens  scavans  et  craignans  Dieu.  Et  pource  que  l'ouvrier  est  digne  de  son  loyer,  il  fault  donner  aux  Ministres  de  l'Eglise  et  instructeurs  d'icelle,  honestes  gaiges  et  sallaires,  de  peur  que  par  indigence  ilz  ne  soyent  paresseux  en  leur  office.  Finablement,  a  celle  fin  que  toutes  ces  choses  soyent  maintenues  en  leur  cours  perpetuel,  il  fauldra  tenir  selon  leur  temps  Conciles  Generaux,  Nationaux,  Provinciaux,  Episcopaux,  Archidiaconaux,  et  aultres  :  esquelz  de  toutes  ces  choses  sera  faicte  diligente  inquisition.  Item  a  celle  fin,  qu'on  appelle  de  degre  en  degro,  et  qu'il  soit  congneu  par  ordre  et  deuement  de  causes  Ecclesiastiques,  selon  les  anciens  Canons.  De  la  discipline  du  Peuple.  Puis  qu'en  la  saincte  Assemblee  il  y  a  des  Anciens,  des  anciennes,  ieunes  [fol.  60]  pucelles,  maritz,  femmes,  peres  et  meres,  enfans,  seigneurs,  serviteurs:  puis  aussi  qu'il  y  a  diverse  maniere  de  vivre  et  vocations:  il  fauldra  que  les  Ministres  de