40:561  561  IN  DANIELEM.  CAP.  II.  562  medicos  vocari.  Quod  ad  primum  spectat,  nollem  acrius  contendere:  sed  in  secundo  nihil  video  coloris.  Dicunt  esse  medicos,  qui  ex  pulsu  venae  aut  arteriae  indicant  de  valetudine  hominum.  Sed  quia  nulla  ratio  subest,  potius  subscribo  eorum  sententiae,  qui  putant  hoc  nomine  vocari  astrologos.  Tertio  loco  ponuntur  D^DKOD  Mecasphim,  vocant  praestigiatores:  alii  tamen  commutant  significationem,  et  dicunt  esse  astrologos  qui  ex  positu  stellarum  iudicent  de  rebus  futuris,  vel  res  ignotas  praesagiant.  Ego  autem  nihil  habeo  quod  dicam  magis  probabile,  quam  non  posse  certo  statui  quid  significent  apud  Hebraeos  haec  nomina.  Nam  quia  res  ipsa  iam  sepulta  est,  ideo  quis  distinguet  inter  istas  voces,  quae  pertinent  ad  professionem  artis  incognitae?  DHtSO  Casdim  non  dubito  poni  tanquam  genus.  Etsi  enim  nomen  est  gentile,  tamen  propter  excellentiam  magi  nomen  hoc  sibi  sumpserant,  quasi  penes  ipsos  esset  totius  gentis  nobilitas  et  praestantia.  Et  scimus  nomen  hoc  passim  fuisse  usitatum  et  in  Graecia  et  in  Italia.  Quicunque  ergo  profitebantur  se  vel  ex  astris,  vel  ex  aliis  coniecturis  posse  res  futuras  et  occultas  praedicere,  vocati  sunt  Chaldaei.  Iam  quantum  ad  tres  alias  voces  spectat,  non  dubito  quin  tunc  fuerint  honorificae.  Nam  hac  ratione  vocarunt  se  mathematicos,  quasi  nulla  esset  scientia  in  mundo  nisi  penes  ipsos.  Caeterum,  quanquam  habebant  bona  principia,  certum  tamen  est,  fuisse  refertos  multis  superstitionibus.  Erant  ergo  arioli  et  divini:  et  scimus  illos  multam  operam  dedisse  auguriis  praesertim.  Quanquam  ergo  habiti  sunt  apud  suos  gentiles  in  magno  pretio,  damnantur  lege  Dei:  quidquid  prae  se  tulerint  scientiae,  fuit  mera  impostura.  Sed  generali  nomine  vocati  sunt  magi,  vocati  sunt  etiam  Chaldaei,  sicuti  paulo  post,  quum  repetet  Daniel  illos  coram  rege  loquutos  esse,  non  enumerabit  tres  istas  species,  sed  tantum  dicet  Chaldaeos.  Iam  mirum  est  cur  inter  eos  non  vocatus  fuerit  Daniel  una  cum  sociis.  Debuit  enim  inter  primos  vocari,  quia  rex  quatuor  illos,  ut  dictum  fuit,  reperit  decuplo  excellere  supra  omnes  magos,  et  omnes  ariolos  qui  erant  in  toto  regno  eius.  Quum  ergo  regi  non  incognita  esset  dexteritas  illorum,  qui  fit  ut  eos  praetereat,  dum  comparent  omnes  magi,  et  vocantur  ob  rem  adeo  arduam?  Potest  quidem  fieri,  ut  rex  illos  omiserit,  quia  magis  fidebat  indigenis,  vel  quia  habebat  illos  suspectos,  nec  volebat  detegere  arcana  sua  captivis,  quorum  fidem  et  constantiam  erga  se  nondum  satis  expertus  erat.  Potuit  quidem  hoc  fieri:  sed  considerandum  est  propius  nobis  Dei  consilium.  Ego  itaque  non  dubito  quin  oblivio  haec  regis  profecta  sit  a  providentia  Dei,  quia  noluit  initio  misceri  servum  suum  Danielem  et  reliquos  cum  magis  et  ariolis.  Hinc  ergo  factum  est,  ut  Daniel  non  fuerit  accitus  una  cum  reliquis,  Calvini  opera.  Vol  XL.