32:561  561  SUE  LE  PSEAUME  CXIX.  562  Au  reste,  David  parlant  y  ci  des  meschans,  les  appelle  Orgueilleux:  et  ne  les  intitule  point  ainsi  sans  cause  :  car  c'est  le  propre  de  tous  ceux  qui  ne  ��e  conflent  point  en  Dieu.  Il  faut  que  l'homme  qui  n'a  point  sa  confiance  en  Dieu,  *creve  d'orgueil,  qu'il  en  soit  enfle  comme  un  crapaud.  Et  pourquoy?  Car  quand  les  hommes  se  cognoissent  tels  qu'ils  sont,  il  faut  qu'ils  soyent  abbatus.  Et  ce  proverbe  commun,  qui  regne  mesme  entre  les  increduies,  le  dit,  Qui  bien  se  cognoit,  peu  se  prise.  Or  nous  dirons  cela  de  bouche,  mais  cependant,  c'est  a  nostre  condamnation.  Toutesfois,  Dieu  a  voulu  que  cela  fust  cognu  de  tous,  afin  qu'il  n'y  eust  nulle  excuse.  En  somme,  la  verite  est  telle,  que  si  les  hommes  se  cognoissent,  ils  seront  abbatus,  et  du  tout  desconfits.  Sur  cela  ils  viendront  cercher  Dieu,  ils  se  cacheront  sous  l'ombre  de  ses  ailes,  ils  auront  recours  a  luy,  pour  estre  secourus  en  toutes  leurs  necessitez.  Au  contraire  (comme  i'ay  desia  touche)  il  faut  que  tous  incredules  soyent  pleins  d'outrecuidance  et  de  presomption,  qu'ils  s'eslevent  contre  Dieu,  qu'ils  se  promettent  merveilles  d'euxmesmes  ou  ils  n'ont  rien,  et  ne  sont  rien.  Voyla  pourquoy  David  en  ce  passage,  parlant  des  incredules  et  des  ennemis  de  Dieu,  les  appelle  Orgueilleux.  Et  ce  n'est  pas  seulement  yci,  mais  l'Escriture  saincte  use  partout  de  ce  langage.  C'est  aussi  pourquoy  le  Prophete  Abacuc  dit,  que  l'homme  vivra  en  sa  foy.  Et  a  l'opposite  il  met,  Que  ceux  qui  s'eslevent,  et  qui  escument  ainsi  leur  orgueil,  que  ceuxla  n'auront  point  de  tenure:  ils  pourront  bien  avoir  belle  monstre,  mais  il  faudra  qu'ils  trebuschent.  Nous  voyons  que  le  Prophete,  faisant  comparaison  des  fideles  avec  les  incredules,  baille  ce  titre  et  ceste  qualite-la  a  tous  ceux  qui  ne  se  fient  point  en  Dieu,  Qu'ils  sont  enflez,  qu'ils  presument  outre  mesure.  Et  ainsi  donc,  notons  bien,  que  pour  rendre  vray  tesmoignage  de  nostre  foy,  il  faut  que  nous  soyons  abatus  en  nous,  que  nous  ayons  une  vraye  humilite.  Et  au  contraire,  si  nous  sentons  de  l'orgueil  qui  nous  esleve,  concluons  que  nous  avons  encores  mal  profite  en  l'escole  de  Dieu,  et  que  si  la  foy  regnoit  en  nos  ames,  que  cest  orgueil-  la  seroit  corrige.  Voyla  donc  comme  il  nous  faut  prattiquer  ce  passage.  Et  au  reste,  notons  aussi,  que  ceux  qui  sont  ainsi  eslevez  a  l'encontre  de  Dieu,  mespriseront  leurs  prochains,  que  tous  ceux  qui  presument  de  leur  puissance,  de  leur  vertu,  et  ne  cognoissent  pas  que  tout  leur  bien  gist  en  la  pure  grace  de  Dieu,  ceux-ia  seront  cruels:  ils  seront  felons  et  despits  envers  leurs  prochains.  Et  pourtant,  apres  que  nous  aurons  apprins  de  nous  humilier  devant  Dieu,  que  nous  usions  aussi  d'une  telle  mansuetudo  entre  les  hommes,  que  nous  prattiquions  ce  que  dit  sainct  Paul:  c'est  ascavoir,  qu'un  chacun  estime  son  frere  Calvini  opera.  Vol.  XXXII.