7:560  scium,  sed  in  hoc  tamen  non  iustificatum  esse:  homo  non  potest  sine  dubitatione  propriae  infirmitatis  aut  indispositionis,  credere  sibi  peccata  remissa  esse.  Sed  tametsi  non  debet  se  in  se  ipso  iactare,  non  ita  tamen  terrendus  est,  ut  de  promissis  Dei  deque  mortis  et  resurrectionis  Christi  efficacia  dubitet,  et  desperet  se  remissionem  peccatorum  et  salutem  consequi  posse:  quin  ei  omnis  spes  et  totius  fiduciae  certitudo  esse  debet  in  pretioso  sanguine  Christi,  qui  effusus  est  propter  nos,  et  propter  nostram  salutem:  in  quo  ipso  respirare  nos  [pag.  16]  atque  confidere  et  possumus  certo  et  debemus,  confirmante  nos  spiritu  sancto,  qui  dat  testimonium  spiritui  nostro,  quod  simus  filii  Dei  (Rom,  8,  16).  De  ecclesia.  Nunc  de  ecclesia,  quae  est  universitas  Christi  fidelium,  agendum  videtur,  in  quam  spiritus  sanctus  ita  contrahit  ac  iungit  renatos  atque  Christianos,  ut  sint  una  domus,  unum  corpus,  ab  uno  baptismo  et  una  fide:  quae  {autore  Paulo)  una  est  in  omnibus  Christianis  (Ephes.  4,  4).  ItaqueJ)  necesse  est,  vitam  Christianorum,  ut  ad  perfectum  finem,  quo  tendit  ecclesia,  perveniatur,  bonam  esse  ac  piam:  nemo  tamen  sibi  ipsi  persuadeat,  ullam  vitae  probitatem  sibi  profuturam  esse,  nisi  se  huic  fidelium  unitati  et  communioni  iunxerit  atque  accommodaverit.  Sit  igitur  ecclesia  domus  Dei  viventis  et  corpus  illud,  cuius  caput  est  Christus:  multi  enim  unum  corpus  sumus  in  Christo,  inquit  Paulus  (1  Tim.  3,  15;  Ephes.  1,  22;  1  Cor.  10,  17).  Pro  hac  ecclesia  idem  Dominus  noster  Iesus  Christus  se  tradidit,  ut  eam  sanctificaret,  mundans  ipsam  lavacro  aquae  in  verbo  vitae,  ut  exhiberet  sibi  gloriosam,  non  habentem  maculam,  aut  rugam,  aut  aliquid  huiusmodi,  sed  ut  sit  sancta  et  immaculata  (Ephes.  5,  25  sq.).  Ac  quum  ecclesia  unica  sit  illa  columba  (Cant.  6,  9)  et  corpus  unum,  certe  ut  hanc  solam  spiritu  suo  sanctificat  [pag.  17]  et  fovet  Christus:  ita  extra  eam  bona2)  gratiae  suae  tribuit  nemini.  Qui  igitur  in  communione  huius  corporis  non  est,  nihilo  magis  spiritu  sancto  vivificatur  ad  salutem  aeternam  quam  ullum  membrum  naturale  a  corpore  suo  abscissum  atque  avulsum  ad  vitam  naturalem:  eo  quod  spiritu  vitali  ab  uno  suo  capite  defluente,  non  amplius  vegetatur.  Itaque  credendum  est,  neminem  extra  ecclesiam  christianam  et  communionem  eius  spiritualem  vitam  aeternam  consequi  posse.  Communionis  autem  huius  eam  esse  rationem,  ut  quum  spiritus  Christi  ab  eo  ut  capite  delabatur  in  corpus  suum,  hoc  est,  ecclesiam  et  omnia  membra  eius  1)  Itaque  etsi  scribendum  cum  iisdem  (combien  que,  wiewol.  2)  dona  Edd.  authenticae  germ.  et  Iat.  Item  Gallus  et  ed.  Calv.  germ