6:560  Dieu  d'Israel.  Or  il  est  certain,  que  cela  estoit  faire  profession  publique  et  notoire  a  tout  le  monde,  de  n'estre  plus  idolatre,  comme  s'il  l'eust  faict  publier  a  son  de  trompe.  Car  qui  est-ce  qui  pouvoit  doubter  [page  50]  qu'il  n'eust  renonce  les  dieux  ausquelz  il  cessoit  de  faire  tous  sacrifices,  qu'il  avoit  faict  au  paravant?  D'advantage,  il  requist  d'emporter  de  la  terre  d'Israel  la  charge  de  deux  muletz,  pour  sacrifier  dessus  au  Dieu  vivant  afin  de  n'estre  point  contamine  en  sacrifiant  sus  la  terre  profane.  Ne  voyla  pas  encores  une  autre  declaration  solennelle  qu'il  fait,  pour  oster  toute  doubte,  qu'il  ne  veut  plus  vivre1)  en  la  superstition  des  Syriens?  Mais  apres  il  demande  conge  de  pouvoir  adorer2)  au  temple  de  Remon.  Si  c'estoit  pour  feindre  d'adorer  l'idole,  il  y  auroit  quelque  apparence  pour  eux.  Or  on  voit  le  contraire.  Voicy  les  parolles  dont  il  use:  Si  le  Roy  mon  Seigneur  entre  d'adventure  au  temple  de  Remon,  et  qu'il  adore  estant  appuye  sus  mon  espaule,  si  i'adore  semblablement  que  le  Seigneur  n'impute  point  cela  a  son  serviteur.  Le  mot  d'adorer  emporte  s'encliner  ou  se  baisser.  Pourquoy  est-ce  qu'il  dit  notamment:  si  le  [page  51]  Roy,  estant  appuye  sur  mes  espaules,  adore?  assavoir  pour  signifier,  qu'il  ne  s'enclinera  sinon  par  forme  de  civilite,8)  pour  n'empescher  point  son  Roy.  Ce  qu'il  ployoit  donc  son  corps  n'estoit  pas  pour  faire  semblant  d'honorer  l'idole,  mais  pour  rendre  son  service  accoustume  au  Roy.  Que  celuy  donc,  qui  se  voudra  defendre  par  l'exemple  de  Naaman,  se  purge  devant  de  toute  suspition  d'idolatrie:  et  monstre  qu'il  n'y  veut  nullement  consentir.  Quand  il  aura  donne  a  congnoistre  cela  nous  ne  serons  plus  en  controversie.  Mais  a  present,  quelle  moquerie  est-ce  d'alleguer  l'exemple  de  Naaman  pour  se  couvrir,  quand  il  y  a  une  si  grande  diversite?  Car  ce  qu'ilz  font  n'est  sinon  pour  monstrer,  qu'ilz  veulent  idolatrer  comme  les  autres.  Ce  n'est  pas  de  telles  vaines  et  frivoles  tergiversation  qu'on  contente  Dieu.  I'ay  aussi  ouy  d'aucuns  alleguans  ce  qui  est  dict  en  l'Epistre  qu'on  attribue  [page  52]  a  Ieremie:  Quand  vous  verrez  les  Babyloniens  porter  leurs  dieux  d'or  et  d'argent,  et  que  tous  se  prosternerent  devant,  vous  direz  en  vos  cueurs:  C'est  toy,  Seigneur,  qu'il  faut  adorer  (Bar.  6,  3  s.).  Mais  Taucteur  de  ceste  Epistre,  en  exhortant  le  peuple  d'Israel  de  donner  gloire  a  Dieu  en  son  cueur,  luy  permet  il  de  s'agenouiller  devant  les  idoles?  Que  profite  il  donc  d'abuser  tant  ineptement  de  ceste  sentence?  Et  ie  vous  prie,  celuy  qui  fait  exterieurement  honneur  aux  idoles,  comment  peut  il  dire  en  son  cueur,  1)  se  abhorrere.  2)  si  ingressus  fuerit.  3)  fore  civile  officium.