5:560  du  Clerge  qui  estoyent  surprinz  en  paillardise,  les  mettans  au  ranc  des  laiz,  pour  faire  penitence,  ainsi  qu'il  fust  conclud  au  Concile  de  Neocesaree.l)  Puis  apres  les  nouveaux  Canons  ont  deffendu,  que  les  mariez  ne  fussent  point  admiz  a  l'office  de  Prestre,  ou  de  Diacre.  Ilz  ont  aussi  deffendu,  que  ceux  qui  estoyent  mariez  devant  leur  ordination,  s'abstinsent  de  toute  oeuvre  de  Mariage:  et  que  mesmes  ilz  se  separassent  de  leurs  femmes.  Ilz  ont  aussi  rompuz  et  dissoulz  les  Mariages,  que  les  Prestres  et  Diacres  avoyent  contraictz,  apres  avoir  receu  leur  ordre,  et  les  ont  declairez  nulz.  Donc  en  ceste  diversite  de  Canons,  si  les  nouveaux  doyvent  estre  tenuz  d'ores  en  avant:  il  sera  aussi  necessaire,  que  les  Censures,  lesquelles  es  anciens  Canons  sont  iectees  contre  les  paillardz  soyent  reduictes  en  usage,  de  paour  qu'on  n'introduise  un  scandale  publique  en  l'Eglise,  a  cause  de  la  vie  impure  des  ministres.  Apres  bien  avoir  institue  la  vie  du  clerge  il  convient  pourveoir  de  mesme  soing  comment  les  Curez  enseigneront  doctrine  pure  et  entiere  au  peuple,  que  ilz  ayent  un  sainct  formulaire  en  leurs  parolles,  duquel  la  fin  soit  de  inculquer  diligemment  ce  que  foy  et  charite  requiert  en  delaissant  toutes  fables  et  questions  curieuses:  comme  l'Apostre  enseigne  que  ia  fin  du  commandement  c'est  charite,  d'un  coeur  pur,  conscience  bonne,  et  foy  non  feinte  (  i  Tim.  1,  5).  Semblablement,  qu'ilz  sement  la  parolle  sans  oultrager  personne  et  sans  contention:  qu'ilz  se  gardent  d'erreur,  qu'ilz  reprennent  ia  doctrine  faulse,  qu'ilz  se  tiennent  constamment  a  celle  qui  est  vraye:  pour  laquelle  chose  sera  besoing  que  quelque  brief  formulaire  soit  mis  en  avant  par  authorite  publique,  qui  contienne  le  sommaire  de  la  doctrine,  a  la  forme  duquel,  les  Curez  ordonneront  leurs  sermons.  Il  fault  aussi  bien  prendre  garde  que  rien  ne  soit  recite  en  l'Eglise,  ny  en  prieres,  [fol.  59]  hymnes  et  lecons,  que  ce  qui  sera  extraict  des  escriptures,  ou  des  autheurs  approuvez.  Item  que  les  cerimonies  externes,  qui  concerneront  la  Religion  chrestienne,  honnestete,  ordre  et  tranquilite  de  l'Eglise,  soyent  observees.  Et  puis  que  la  diversite  des  ordres,  Monasteres,  et  plusieurs  abuz,  qui  sont  commis  es  Monasteres,  sont  en  scandale  a  plusieurs,  et  que  la  Moynerie  n'apporte  point  un  tel  fruict  a  l'Eglise,  qui  est  de  present,  comme  elle  faisoit  ia-dis:  a  ceste  cause  il  fauldra  veiller  sur  la  reformation  d'icelle,  en  telle  sorte,  que  dores  en  avant  iceux  soyent  Moynes,  envers  lesquelz  la  doctrine  chrestienne  aura  vigueur,  maintenans  les  langues,  et  bons  autheurs,  cherchans  et  exposans  soingneusement  les  escriptu-  1)  Can.  1.