40:560  et  obliterata  fuerit  memoria  rei:  deinde  quod  interpretatio  etiam  defuerit.  Videmus  alibi  somnii  memoriam  non  fuisse  deletam,  et  tamen  incognitam  fuisse  interpretationem.  Hic  autem  Nebuchadnezer  non  tantum  perplexus  fuit  in  ipsa  interpretatione  somnii,  sed  etiam  quia  evanuerat  ipsa  visio,  duplicata  fuit  perplexitas,  vel  anxietas.  Iam  quod  ad  illud  attinet,  Danielem  scilicet  claruisse  interpretatione,  hoc  novum  non  est.  Continget  interdum,  sed  raro,  ut  somniet  quispiam  absque  figura  vel  aenigmate,  hoc  est,  ut  rem  ipsam  agnoscat,  neque  opus  habeat  coniectore  (vocarunt  enim  coniectores  interpretes  somniorum)  hoc,  quemadmodum  dixi,  continget,  sed  raro.  Haec  autem  fere  communis  est  ratio  somniorum,  ut  Deus  vel  allegorice,  vel  aenigmatice  loquatur.  Neque  hoc  tantum  agnoscitur  in  hominibus  profanis,  sed  in  ipsis  quoque  servis  Dei.  Quum  somniavit  Ioseph  se  adorari  a  sole  et  luna,  nescivit  quid  hoc  sibi  vellet:  quum  etiam  manipulum  suum  somniavit  adorari  a  manipulis  fratrum,  non  tenuit  quorsum  illud  spectaret:  narravit  simpliciter  fratribus.  Deus  ergo  per  somnia  fere  aenigmatice  loquitur,  donec  interpretatio  accedat,  Et  tale  fuit  somnium  regis  Nebuchadnezer.  Videmus  interea  etiam  Deum  patefacere  voluntatem  suam  incredulis,  sed  non  ad  liquidum:  quia  videndo  non  vident,  et  perinde  est  ac  si  quis  librum  porrigeret  clausum,  vel  literas  obsignatas:  quemadmodum  apud  Isaiam  dicitur,  Deum  loqui  lingua  blaesa,  et  balbutiente  cum  incredulis  (Isa.  28,  l  l  ;  29,  l  l  sq.).  Sic  ergo  patefacta  fuit  Dei  voluntas  regi  Nebuchadnezer,  ut  tamen  haereret  perplexus,  imo  etiam  obstupefactus  quodammodo  iaceret.  Nihil  ergo  potuit  somnium  hoc  illi  prodesse,  nisi  oblatus  fuisset  interpres  Daniel,  quemadmodum  videbimus.  Neque  tantum  voluit  Deus  suspensum  tenere  regem  illum,  sed  ideo  ex  animo  eius  delevit  memoriam  somnii,  ut  magis  eum  pungeret:  quia  quum  alii  negligere  soleant  sua  somnia,  quorum  non  reminiscuntur,  Deus  tale  cauterium,  quemadmodum  iam  dixi,  penitus  infixerat  animo  huius  increduli,  ut  non  posset  tranquillo  esse  animo,  sed  vigilando  semper  somniaret,  quia  Deus  illum  arcanis  vinculis  ad  se  trahebat.  Haec  igitur  ratio  fuit  cur  Deus  neque  interpretationem  somnii  illi  statim  dederit,  et  aboleverit  etiam  ex  corde  eius  memoriam,  donec  utrumque  a  Daniele  acciperet.  Reliqua  differemus  in  crastinum.  Heri  vidimus  edicto  regis  accitos  fuisse  magos,  ut  non  tantum  exponerent  ei  somnium,  sed  etiam  ut  somnium  ipsum  narrarent,  quod  exciderat  ab  eius  memoria.  Caeterum  quoniam  hic  quatuor  species  magorum  ponuntur,  vel  tres  saltem,  et  genus  additur  quarto  loco,  breviter  attingam  quid  mihi  videatur:  O^DlCO^n  Hartummim  exponunt  complures  genethliacos,  postea  DWK  Assaphim  putant