32:560  devons  appliquer  les  promesses  de  Dieu,  c'est  ascavoir,  que  la  ou  il  semblera  que  nous  soyons  desconfits  et  perdus,  que  nous  ne  laissions  point  d'avoir  un  courage  ferme  et  une  constance  invincible.  Car  autrement  nous  faisons  grand  deshonneur  a  Dieu,  puis  qu'il  a  parle  a  nous,  que  nous  n'esperons  qu'il  sera  nostre  Sauveur  iusqu'en  la  fin.  Dont  il  faut  conclurre,  que  toutes  les  deffiances  que  les  hommes  eoncoyvent  en  leurs  adversitez,  sont  autant  de  blasphemes:  car  ils  ne  peuvent  faire  plus  grand  opprobre  a  Dieu,  que  l'accuser  de  mensongne,  de  ne  l'estimer  point  loyal.  Or  si  nous  estimons  Dieu  loyal,  il  faut  que  nous  tenions  pour  tout  conclu,  que  iamais  il  ne  permettra  que  nous  soyons  frustrez,  nous  estans  attendus  a  luy.  Or  par  ce  moyen  nous  vivrons  en  la  mort.  Notons  bien  donc  encores  ce  mot  que  David  a  yci  couche,  que  Dieu  luy  ayant  promis  d'estre  son  Sauveur,  Fa  vivifie  en  cela,  voire  au  milieu  de  ses  afflictions,  comme  s'il  disoit,  Seigneur,  puis  qu'ainsi  est  que  i'ay  tesmoignage  de  ta  bonne  volonte,  et  de  ton  amour,  il  ne  faut  point  que  ie  perde  courage,  ne  que  ie  defaille  pour  rien  qui  advienne.  Or  il  s'ensuit,  Que  les  meschans  ou  les  orgueilleux  se  sont  moquer  de  luy,  et  toutesfois,  qu'il  ne  sest  point  destourne  de  la  Loy  de  Dieu.  Yci  David  monstre  la  constance  qu'il  a  eu  pour  resister  aux  tentations  et  aux  combats  que  Satan  luy  a  dresse.  Car  voyla  aussi  comme  nostre  foy  sera  deuement  approuvee:  c'est  ascavoir,  quand  nous  serons  assaillis,  et  quand  le  Diable  aura  pense  avoir  tout  gagne  sur  nous,  que  toutesfois  nous  persevererons  a  esperer  en  Dieu,  voyla,  di-ie,  une  bonne  espreuve  de  nostre  foyf  Et  c'est  ce  que  David  a  voulu  signifier  en  ce  passage:  car  il  est  bien  facile,  quand  nous  n'avons  nulles  tentations  qui  nous  tormentent,  de  prendre  goust  aux  promesses  de  Dieu,  et  d'esperer  qu'il  fera  ce  qu'il  nous  a  dit.  Mais  quand  les  afflictions  nous  tormentent,  que  le  diable  nous  vient  mettre  au  devant  beaucoup  de  fascheries  et  de  fantasies  en  nostre  esprit,  comme  si  Dieu  s'estoit  retire  et  esloigne  de  nous,  et  que  les  meschans  se  moquent,de  nostre  simplicite:  quand,  di-ie,  nous  sommes  ainsi  assaillis,  alors  il  faut  que  nostre  foy  se  monstre  si  elle  est  vraye.  \Et  si  nous  perseverons  constamment  sans  estre  vaincus  ny  abbatus,  o!  voyla  un  certain  signe  que  nous  avons  creu  a  bon  escient,  qu'il  n'y  a  point  eu  de  feintise,  que  nous  n'avons  point  prins  sa  parole  en  vain,  mais  qu'elle  avoit  une  racine  vive  en  nos  ames.  Notons  bien  donc  que  pour  avoir  une  vraye  experience  de  nostre  foy,  et  pour  scavoir  dire  en  verite,  que  nous  avons  espere  en  Dieu,  et  en  ses  promesses:  qu'il  faut  que  nous  ayons  senty  des  assauts  bien  rudes:  et  cependant  que  nous  n'avons  point  este  delaissez  iusqu'a  nous  destourner  de  Dieu.