20:560  professos  in  minimis  esse  versatos  videas,  longissime  semper  aberrant  et  absunt  a  sinoera  doctrinae  puritate,  nulla  alia  in  re  magis  occupati  quam  ut  superiorum  interpretamenta  et  argumenta  omissa  lege  Dei  recenseant,  potius  tamen  ad  carpendum  si  quid  male,  quam  ad  laudandum  si  quid  bene  ab  eis  dictum  sit:  interim  vero  pugnas  excitantes  mirificas  an  potius  hominum  salutem  et  fidem  subvertant  quam  quid  ad  eam  fovendam  et  augendam  conferant,  ut  ex  tuis  uberrimis  et  purissimis  commentariis  quotidie  pernoscimus.  Verum  ut  instituti  mei  rationem  in  pauca  conferam,  et  ut  intelligas  quae  dubia  nos  movent,  hoc  primum  unum  est  quod  re  ipsa  non  nuper  quidem  accidit.  Quum  hic  apud  nos  cuidam  mulieri  viri  fastidium  obrepsisset,  usque  adeo  ut  ab  eo  discessisset  sine  causa  legitima,  quae  quantumvis  sui  officii  et  mutuae  benevolentiae,  quam  sibi  invicem  debebant,  a  viro  per  trimestre  admonita  noluisset  viro  reconciliari  ac  cum  eo  in  gratiam  redire,  vir  aliam  accepit  uxorem  (clam  enim  omnibus  erat  matrimonium  quod  cum  prima  in  aliena  provincia  contraxerat,  quia  filii  duorum  fratrum  essent  et  per  consequens  iure  canonum  prohiberentur).  Mulier  vero,  quae  a  viro  primum  discessit,  astuta  nimis  allegat  adulterium  a  viro  admissum,  et  propterea  sibi  partam  libertatem  esse  alteri  nubendi  contendit,  nequaquam  grave  ducens  quod  hic  alteram  duxerit:  quinimo  nihil  unquam  sibi  gratius  accidisse  demonstrans,  ut  inde  internoscere  facile  sit,  eam  viro  ansam  delinquendi  praebuisse.  Hoc  enim  res  ipsa  loquitur.  Unde  quamvis  ex  viri  aut  mulieris  fornicatione  alterum  adipisci  libertatem  fateri  cogamur,  graviter  tamen  urgent  facti  circumstantiae  huiusmodi.  Hac  enim  ratione  facile  omnia  hic  dissolverentur  matrimonia.  Verum  quamvis  levitatem  et  temeritatem  viri  minime  probemus,  eadem  ratione  quoque  mulieris  dolum  et  fraudem  improbare  cogimur.  Si  enim  ex  Matth.  c.  5  (Quisquis  repudiaverit  uxorem  nisi  causa  stupri  facit  eam  moechari)  non  potest  vacare  culpa  haec  mulier  quae  primo  discessit  a  viro  sine  causa  legitima.  Accedit  etiam  quod  Paulus  ad  Corinth,  c.  7  iubet  uxorem  a  viro  non  discedere,  si  vero  discesserit,  aut  viro  suo  reconciliari  aut  innuptam  manere.  Non  est  absimile  quoque,  id  quod  optime  animadvertisti  in  tua  Harmonia  *)  luculentissime  (Matth.  c.  19),  adulterii  apud  Marcum  ideo  nullam  fieri  mentionem,  quod  notare  voluerit  tantum  corruptelam  quae  tunc  passim  trita  erat,  eamque  reprehendi  a  Domino,  quo  post  voluntaria  divortia  utrinque  ad  novum  coniugium  transibant.  Atque  hoc  in  loco  multi  e  veteribus  lapsi  sunt.  Quae  sane  corruptela  in  his  quoque  de  quibus  agimus  animadverti  potest,  praeser-  4252.1)  a.  1553  primum  edita.