9:56  nescio  quo  spiritu  inflatus,  nisi  spumas  plenis  buccis  egeras,  videris  anhelo  stomacho  nescio  quod  molestum  onus  comprimere.  Quo  magis  mirum  est  te  plusquam  secure  vitium,  quod  in  te  omnibus  adeo  foedum  deformeque  apparet,  perinde  ac  si  immunis  et  purus  ab  eo  fores,  regerere.  Caeterum,  ne  quae  in  me  ficti  criminis  suspicio  haereat,  iterum  breviter  monendi  sunt  lectores,  quam  ingenue  mihi  petulantiam  *)  exprobres.  Eius  enim  memorandum  specimen  profers,  quod  linguae  meae  aculeum  in  Lutheri  nomen  exseruerim.  Quaenam  vero  tam  acutae  sunt  illae  punctiones?  Respondes,  quia  contentiosum,  vehementem  et  levem  esse  insimulaverim.  In  duobus  cur  tibi  mentiri  libuerit,  nescio.  Contentiosum  enim  et  levem  non  vocavi.  Vehementiam  in  hac  causa  notatam  [pag.  21]  fuisse  si  indigne  feras,  contende  solem  meridie  non  lucere.  Quam  vero  cupide  Westphalus  extra  locum  in  locos  communes  excurrat,  atque  ut  mustacei  rhetores2)  solent,  declamitando  vagetur  extra  causam,  ex  hoc  uno  plus  satis  liquet,  quod  ne  videatur  multitudine  confidere,  figmentum  inane  sibi  fabricat,  me  ingentibus  copiis  gloriari,  quas  me  ex  omnibus  angulis  educturum  minatus  sim.  Itaque  subiicit  me,  tanta  multitudine  confisum,  imbellem  turbam  contemnere.  Si  quis  Eccius  vel  Cocleus  has  naenias  effutiret,  minore  cum  molestia  pueris  ridendos  traderem.  Nunc  quod  se  tam  flagitiose  prostituit  qualiscunque  evangelii  professor,  ignoscant  lectores  si  in  refutatione  modicus  sim,  quia  dedecoris  me  pudet  ac  piget.  Video  tamen  quid  sit:  quia  nihil  Athanasio  simile  habebat  praeter  paucitatem,  hanc  similitudinis  notam  arripuit,  qua  se  faceret  orthodoxum.  Dixeram  doctis  et  cordatis  quiescentibus  paucos  homines  indoctos  suis  clamoribus  ecclesiam  turbare:  nempe  fore  sperabam,  ut  moniti  tumultuosas  voces  compescerent,  testes  paucitatis,  indices  stultitiae.  Hic  non  [pag.  22]  simpliciter  de  numero  certatur.  Sed  dum  multos,  quos  a  parte  sua  stare  ipse  iactat,  ostendo  modis  omnibus  longe  esse  aptiores  et  melius  instructos,  silendo  tamen  nobiscum  pacem  colere,  si  mica  pudoris  fuisset  in  Westphalo,  abiecta  hasta  ex  conflictu  ad  suam  stationem  reversus  esset.  Addideram  rursus,  si  tantum  sacramentis  vim  suam  asserere  volebat,  nullam  fuisse  causam,  cur  in  nos  irrueret:  quia  non  modo  iustis  elogiis  splendide  apud  nos  ornantur  sacramenta,  sed  si  quis  inanes  figuras  esse  dicat,  multi  ad  hunc  errorem  strenue  refutandum  parati  sint.  Verba  mea  inspiciant  lectores,  unde  constabit  quam  ieiune  adventitios  colores  hic  declamator  quaeritet.8)  Ne  1)  que  mon  parler  est  desborde  et  plein  d'iniures.  2)  de  pauvres  harangueurs  nouvellement  faits.  3)  empruntant  ca  et  la  d'ailleurs  quelque  chose  pour  se  faire  valoir.