58:56  les  trebuschemens  que  nous  verrons  devant  nos  yeux,  n'empeschent  point  que  nous  ne  marchions  tousiours  par  le  bon  chemin,  que  nostre  Seigneur  nous  propose.  Or  il  nous  doit  quant  et  quant  souvenir  de  ce  qui  est  ici  traite  par  Moise:  C'est  que  notamment  il  dit,  Que  V  un  sera  plus  fort  que  l'autre,  et  que  le  plus  grand  servira  au  moindre.  En  parlant  du  plus  fort,  c'est  pour  nous  monstrer,  quand  l'election  de  Dieu  nous  est  ferme  et  indubitable,  et  que  nous  sommes  soustenus  par  son  saint  Esprit,  qu'il  ne  nous  faut  plus  craindre:  et  c'est  encores  un  point  bien  utile,  voire  necessaire.  Car  quelle  est  nostre  condition?  Il  ne  faut  qu'une  bouffee  de  vent  pour  nous  abbatre,  il  ne  faut  qu'une  mouche  pour  nous  eblouir  les  yeux:  et  cependant  nous  sommes  ici  exposez  a  tant  de  combats  que  rien  plus.  Voila  nos  ennemis  qui  sont  en  nombre  infini:  et  ie  ne  parle  point  de  ceux  que  nous  voions  a  l'oeil,  mais  des  ennemis  spirituels  :  car  l'air  est  plein  de  diables,  qui  nous  espient,  et  qui  sont  mesmes  comme  lions  rugissans,  outre  leurs  astuces.  Helas  que  pourrions-nous  faire?  Il  faudroit  que  nous  fussions  en  angoisse  et  en  inquietude  sans  fin  et  sans  cesse,  que  nous  fussions  la  comme  povres  gens  transis,  si  nous  ne  savions  que  nostre  Seigneur  a  nostre  salut  en  sa  main,  et  qu'il  le  veut  garder.  Saint  Pierre  dit,  qu'il  est  bien  garde  de  l'esperance,  et  que  la  Foy  en  est  comme  l'estuy:  mais  il  nous  renvoye  a  Dieu:  et  nostre  Seigneur  Iesus  Christ  nous  declare  cela  encore  plus  a  plein,  quand  il  dit  que  tout  ce  qui  lui  a  este  donne  de  Dieu  son  Pere,  ne  perira  point.  Et  pourquoy?  Le  pere  qui  vous  a  donne  a  moy  (dit  il)  est  plus  fort  que  tous.  Ainsi  donc,  il  dit  que  nous  pouvons  bien  nous  glorifier  que  Dieu  aura  pitie  de  nous  iusqu'en  la  fin,  et  qu'il  nous  gardera:  et  encores  qu'il  permette  que  nous  choppions,  et  mesmes  que  nous  tombions,  si  est  ce  que  nous  serons  relevez  de  sa  main.  Et  comment  est-ce  que  nous  pouvons  nous  confier  en  cela  sans  l'election?  Il  est  impossible:  mais  quand  nous  savons  que  le  Pere  nous  a  donnez  en  garde  a  son  Fils,  nous  sommes  certains  que  nous  serons  maintenus  par  lui  iusques  en  la  fin:  car  nous  avons  sa  promesse,  par  laquelle  il  s'oblige  envers  nous,  de  nous  preserver:  et  puis  il  met,  Iusques  au  dernier  iour,  iusques  a  la  resurrection.  Et  d'autant  que  le  commencement  et  la  fin  de  nostre  salut  est  en  lui,  voila  enquoy  nous  pouvons  nous  resiouir:  C'est  qu'en  cognoissant  nos  foiblesses  et  nostre  fragilite,  et  que  nous  ne  sommes  rien,  et  que  tout  nous  defaut:  toutefois  que  nous  pouvons  dire,  Le  Seigneur,  qui  m'a  appele  a  soy,  parfera  son  oeuvre:  comme  il  est  dit  au  Pseaume  cent  trente-huitieme,