54:56  la  foy  de  son  Evangile,  cela  n'est  point  pour  aneantir  la  predestination  eternelle  qui  va  devant.  Or  on  en  verra  auiourd'huy  beaucoup  qui  diront,  Et  qui  sont  ceux  que  Dieu  a  eleus  sinon  les  fideles?  Ie  le  confesse:  mais  ils  font  une  mauvaise  consequence  (comme  des  bestes  qui  sont),  c'est  ascavoir,  Que  la  foy  donc  est  la  cause  de  nostre  salut,  voire  la  cause  premiere.  S'ils  l'appelloyent  cause  moyenne,  cela  est  vray  en  soy:  car  l'Escriture  dit  que  nous  sommes  sauvez  par  foy.  Mais  il  faut  monter  plus  haut.  Car  cependant  s'ils  attribuent  la  foy  au  franc  arbitre  des  hommes,  ils  blasphement  meschamment  contre  Dieu,  et  sont  vrais  sacrileges,  pires  que  les  Papistes,  comme  i'ay  desia  dit.  Or  il  nous  faut  venir  a  l'opposite  a  ce  que  l'Escriture  nous  monstre,  c'est  ascavoir  quand  Dieu  nous  donne  la  foy,  que  ce  n'est  point  a  nous  de  recevoir  l'Evangile,  sinon  d'autant  qu'il  nous  a  disposez  par  son  sainct  Esprit.  Car  il  ne  suffit  point  que  nous  ayons  les  aureilles  batues  de  la  voix  d'un  homme,  ce  sera  un  son  qui  s'esvanouira  en  l'air,  sinon  que  Dieu  besongne  la  dedans,  et  qu'il  parle  a  nous  d'une  facon  secrette  par  son  sainct  Esprit.  Voila  donc  d'ou  procede  la  foy.  Et  qui  en  est  cause?  Pourquoy  est-ce  que  la  foy  est  donnee  a  un  plustost  qu'a  l'autre?  Sainct  Luc  nous  le  monstre,  disant,  Que  ceux  qui  estoyent  ordonnez  a  salut,  ont  creu  au  sermon  de  S.  Paul.  Voila  beaucoup  d'auditeurs,  et  il  n'y  en  a  qu'une  partie  qui  recoyve  la  promesse  de  Balut.  Et  quelle  est  ceste  partie-la?  Ceux  qui  estoyent  ordonnez  a  salut,  dit  sainct  Luc.  Faut-il  plus  disputer  la  dessus?  Et  puis  S.  Paul  au  premier  des  Ephesiens  en  traitte  si  a  plein,  qu'il  faut  bien  que  les  ennemis  de  la  predestination  de  Dieu  soyent  du  tout  hebetez,  et  que  le  diable  leur  ait  creve  les  yeux,  et  qu'ils  soyent  comme  despourveus  de  raison,  voire  ensorcelez  du  tout,  quand  ils  ne  voyent  goutte  a  une  chose  si  evidente.  Car  8.  Paul  dit  que  Dieu  nous  a  appelez,  et  qu'il  nous  a  fait  participans  des  grans  thresors  et  richesses  infinies  qu'il  nous  a  apportees  par  nostre  Seigneur  Iesus  Christ.  Et  comment?  Selon  (dit-il)  qu'il  nous  avoit  eleus  devant  creation  du  monde.  Sainct  Paul  traittant  de  la  foy,  nous  ramene  a  ce  principe  qui  est  plus  haut,  a  ceste  cause  premiere,  et  a  la  vraye  source  de  nostre  saiut,  c'est  ceste  bonte  gratuite  dont  desia  nous  avons  assez  traitte.  Quand  donc  nous  disons  que  nous  sommes  appelez  a  salut,  et  asseurez  d'iceluy,  d'autant  qne  Dieu  nous  a  donne  la  foy,  ce  n'est  pas  qu'il  n'y  ait  une  cause  plus  haute,  c'est  ascavoir  l'election  eternelle:  et  quiconque  ne  peut  venir  la,  derogue  a  Dieu  et  a  son  honneur,  quand  il  discerne  entre  les  hommes  selon  leurs  merites,  et  selon  qu'un  chacun  s'est  dispose.  Voila  donc  comme  il  nous  faut  retenir  l'union