51:56  schante  corruption.  Et  pour  ceste  cause  sainct  Paul  adresse  son  propos  a  toute  l'Eglise,  en  disant  qu'il  nous  faut  despouiller  de  toute  convoitise,  et  que  iusques  a  ce  que  toute  hautesse  soit  abatue  en  nous,  que  iamais  nous  ne  pourrons  de  nostre  Seigneur  Iesus  Christ:  mais  (comme  i'ay  desia  dit)  ceux  qui  sont  en  office  d'enseigner  en  l'Eglise  doivent  monstrer  le  chemin  d'humilite  et  modestie:  car  de  faict  les  plus  excellens  qu'ont-ils  de  quoy  ils  se  puissent  vanter?  Car  tout  leur  est  donne  par  la  bonte  gratuite  de  Dieu.  S'ils  s'eslevent  la  dessus,  ne  sont-ils  point  desia  par  trop  vilains?  Leur  ingratitude  qui  s'esleve  ainsi  fait  qu'ils  veulent  hurter  des  cornes  a  l'encontre  de  Dieu,  et  toutesfois  ils  luy  sont  obligez  plus  que  les  autres.  Or  pour  ceste  cause,  que  nous  mettions  peine  qu'une  telle  corruption  soit  chassee  loin  de  nous,  afin  que  nous  n'ayons  autre  esgard,  sinon  que  nostre  Seigneur  Iesus  Christ  ait  toute  preeminence,  et  que  ceux  qui  sont  les  plus  excellens  souffrent  d'estre  abaissez,  moyennant  que  cela  serve  a  glorifier  la  maieste  de  Dieu,  et  l'empire  de  nostre  Seigneur  Iesus  Christ,  et  que  tous  le  regardent,  et  que  tous  se  tiennent  a  luy  et  qu'on  cognoisse  que  c'est  de  luy  que  procede  tout  bien.  Voila  on  sainct  Paul  a  voulu  nous  amener.  Or  a  fin  de  nous  faire  tant  plus  avoir  en  detestation  toute  vaine  gloire  et  tout  orgueil  contre  Dieu,  et  cest  appetit  d'avoir  credit  entre  les  hommes,  il  dit,  que  nous  ne  taschions  point  a  mordre  V  un  V  autre,  et  que  nous  ne  portions  point  envie  V  un  a  Vautre.  Or  c'est  autant  comme  s'il  disoit  que  l'ambition  ne  peut  regner  en  nous  qu'incontinent  il  n'y  ait  des  piques,  et  que  chacun  ne  provoque  son  prochain.  Car  si  nous  sommes  ainsi  addonnez  a  vaine  gloire,  chacun  voudra  estre  le  plus  grand,  et  luy  semblera  qu'il  n'a  point  son  droit,  iusques  a  ce  qu'il  voye  ses  prochains  estre  en  mespris.  Voila  donc  qu'emporte  l'orgueil.  Ce  n'est  point  donc  de  s'eslever  seulement  contre  Dieu:  mais  de  reietter  ceux  que  nous  devrions  avoir  en  honneur,  s'ils  sont  mesmes  moindres  que  nous:  car  quand  nous  aurons  bien  regarde  a  tout,  il  est  certain  que  les  plus  petis  nous  doivent  estre  honorables.  Ainsi  quand  nous  serons  menez  d'ambition  (comme  i'ay  desia  dit),  chacun  voudra  estre  audessus  pour  gagner  le  plus  haut.  Or  la  dessus  il  faudra  qu'il  y  ait  noises  et  debats,  et  piques  et  riottes,  et  contentions,  et  que  nous  soyons  ennemis  mortels.  Bref  cependant  que  l'ambition  aura  la  vogue,  et  qu'on  luy  laschera  la  bride,  il  faudra  que  nous  soyons  en  guerre  :  comme  l'experience  le  monstre  par  trop:  et  pleust  a  Dieu  qu'il  en  fallust  cercher  les  exemples  bien  loin:  mais  si  tost  que  ies  hommes  veulent  apparoistre,  il  faut  que  l'ambition  les  transporte  tellement  qu'ils  se  declarent  ennemis  de  leurs  prochains.  Et  voila  aussi  dont  procedent  les  envies:  car  il  est  dit  que  la