45:56  Ioseph,  filii  Heli,  filii  Matthat,  ete.  Certe  nec  patrem,  nec  avum  Christi  commemorat,  sed  diserte  exponit  progeniem  ipsius  Ioseph.  Nec  me  latet,  quo  responso  nodum  hunc  solvere  conentur:  filium  enim  loco  generi  positum  esse  dicunt,  atque  ita  Ioseph  filium  Heli  vocari  interpretantur,  qui  eius  filiam  haberet  uxorem.  Atqui  nec  cum  naturae  ordine  hoc  consentaneum  est,  nec  tale  exemplum  in  scriptura  usquam  legitur.  Iam  si  a  Mariae  genealogia  excluditur  Salomo,  Christus  esse  Christus  desinet.  Quidquid  enim  de  eius  genere  disseritur,  in  solenni  illa  promissione  fundatum  est,  Sedebit  super  thronum  tuum  successor,  qui  perpetuo  regnabit:  Ero  illi  in  patrem,  et  ipse  erit  mihi  in  filium  (2.  Sam.  7,  13.  14  et  Ps.  132,  l  l  )  .  Atqui  extra  controversiam  est,  huius  aeterni  regis,  qui  promissus  erat  Davidi,  Salomonem  fuisse  typum.  Nec  Christo  aliter  aptari  potest  promissio,  nisi  quatenus  eius  veritas  in  Salomone  adumbrata  fuit.  Nunc,  si  ad  ipsum  non  refertur  Christi  origo,  unde  vel  qua  ratione  censebitur  ille  filius  Davidis?  Ergo  quisquis  Salomonem  expungit  a  Christi  genealogia,  simul  promissiones,  in  quibus  agnosci  debet  filius  Davidis,  obliterat  ac  delet.  Quomodo  autem  Lucas,  seriem  generis  a  Nathan  deducens,  Salomonem  non  reiiciat,  postea  suo  loco  videbitur.  Ac  (ne  sim  nimium  prolixus)  duas  istas  genealogias,  quantum  ad  summam  spectat,  convenire  inter  se  dico,  quatuor  tamen  discrimina  in  illis  notanda  esse.  Primum  est,  quod  Lucas  ordine  retrogrado,  ut  loquuntur,  ab  ultimo  ad  primum  adscendit,  quum  Matthaeus  ab  ipsa  origine  incipiat.  Alterum  est,  quod  Matthaeus  narrationem  suam  ultra  sanctum  et  electum  Abrahae  genus  non  extendit:  Lucas  vero  ad  Adam  usque  progreditur.  Tertium,  quod  legale  genus  Matthaeus  tractat,  et  sibi  etiam  quosdam  rescindere  permittit  ex  recitationis  serie,  quod  lectorum  memoriae  consulere  volens  tres  solum  tessaradecadas  enumerat:  Lucas  vero  naturale  genus  magis  exacte  prosequitur.  Quartum  et  postremum,  quod  interdum  de  iisdem  loquentes  hominibus  in  eorum  tamen  nominibus  variant.  De  primo  discrimine,  quando  nihil  difficultatis  habet,  plus  verborum  facere  supervacuum  est.  Secundum  optima  ratione  non  caret  :  nam  quia  Deus  sibi  genus  Abrahae  delegerat,  unde  nasceretur  mundi  redemptor,  et  salutis  promissio  illic  quodammodo  inclusa  erat  usque  ad  Christi  adventum,  non  egreditur  Matthaeus  ultra  constitutos  a  Deo  fines.  Tenendum  est  quod  dicit  Paulus:  Christum  esse  ministrum  circumcisionis  ad  praestandam  salutem,  quae  promissa  fuerat  sanctis  patribus,  ad  Rom.  15,  8.  Cui  concinit  illud  Christi  dictum,  salutem  ex  Iudaeis  esse,  Ioannis  4,  22.  Eum  itaque  Matthaeus  in  sacro  illo  genere  conspiciendum  proponit,  cui  proprie  destinatus  erat.  Ideo  in  Matthaei  catalogo  considerandum  est  nobis