42:56  sang  de  nostre  Seigneur  Iesus  Christ,  et  que  nous  viendrons  a  la  rompre,  ne  faudra  it  pas  que  nous  soustenions  une  horrible  condemnation?  Il  est  bien  certain,  et  faudra  que  nous  soions  convaincus  de  ce  que  dit  l'apostre  en  TEpitre  aux  Ebrieux,  que  tous  ceux  qui  se  destournent  de  l'Evangile  foulent  aux  pieds  le  precieux  et  sacre  sang  de  nostre  Seigueur  Iesus  Christ:  il  est  vray  que  le  sang  de  nostre  Seigneur  Iesus  ha  besongne  de  tout  temps,  que  les  peres  qui  ont  vescu  sous  la  loy  ont  senti  qu'ils  devoient  estre  rachaptes  par  ce  moien  la,  mais  tant  y  ha  qu'ils  n'en  ont  point  eu  une  telle  connoissance,  comme  nous  en  avons  auiourd'huy,  nostre  laschete  donc  ne  sera  pas  telle  ne  si  supportable  que  celle  des  peres  anciens,  mais  elle  sera  cent  fois  plus  vilaine  et  enorme  devant  Dieu,  quand  nous  n'aurons  point  fait  nostre  profit  de  ce  qu'il  nous  monstre.  Il  n'est  pas  donc  ici  question  de  se  nourrir  en  son  infirmite,  que  s'il  y  en  ha  qui  aient  este  si  foibles,  qu'ils  aient  fieschi  en  facon  que  ce  soit  de  la  pure  verite  de  Dieu  apres  l'avoir  conneu,  il  ne  faut  pas  qu'ils  s'endorment  la  dessus,  qu'ils  prennent  ie  ne  scai  quelles  couleurs  pour  s'excuser,  mais  qu'ils  connoissent  qu'il  ne  faut  point  plaider  contre  le  iuge,  que  puis  qu'il  en  ha  prononce  la  sentence,  ils  seront  condemnes  comme  lasches  traistres  et  desloiaux,  si  pour  quelque  tentation  que  ce  soit,  ils  declinent  de  la  verite  de  Dieu,  voila  (di-ie)  ce  que  nous  avons  a  noter  en  ce  que  l'ange  dit  ici,  que  ceux  qui  se  portent  laschement  en  l'alliance,  seront  divertis  de  la  connoissance  de  Dieu.  Or  nous  avons  aussi  a  noter  les  circonstances  des  persecutions  qui  ont  este  de  ce  temps  la,  a  fin  qne  nous  ne  prenions  point  d'excuses  frivoles,  comme  nous  avons  accoustume  de  faire.  Or  il  est  vray  que  les  fideles  du  temps  passe  ont  tenu  bon  contre  les  persecutions,  mais  ils  n'ont  point  passe  par  des  afflictions  si  dures  comme  nous  faisons,  au  contraire  quand  nous  aurons  bien  tout  compte  et  rabatu  nous  trouverons  que  nous  sommes  bien  traittes  plus  doucement  qu'ils  n'ont  pas  este:  ii  est  vray  qu'auiourd'huy  on  persecutera  plus  qu'inhumainement  les  enfans  de  Dieu,  qui  rendent  tesmoignages  de  sa  verite,  qui  maintiennent  sa  querelle  comme  ils  doivent,  mais  cependant  regardons  a  ce  qui  ha  este  fait  du  temps  d'Antiochus,  que  mesmes  voila  dix  mille  hommes  qui  sont  emmenes  en  captivite^  cela  n'a  point  encores  este  veu,  qu'on  ait  prins  pour  un  coup  dix  mille  personnes,  et  qu'on  les  ait  ainsi  emmenes  captifs,  il  y  en  ha  bien,  qui  ont  este  menes  aux  galeros,  et  encores  auiourd'huy  les  enfans  de  Dieu  y  sont  detenus  bien  cruellement,  les  autres  sont  en  prison  perpetuelle,  mais  ce  n'est  pas  en  telle  multitude.  Apres  les  occasions  et  les  meurtres,  ont  ils  este  faits  comme  en  Ierusalem,  que  le  sang  regorgeoit  par  les  rues,  qu'on  ha  tue  en  trois