41:56  sus  fuerit  a  conspectu  Dei  fluvius  igneus,  qui  exundaret  terram,  et  simul  combureret.  Minime  dubium  est,  quin  Deus  metum  incutere  voluerit  prophetae  suo,  ut  melius  ipsum  expergefaceret:  quia  nunquam  satis  concipimus  Dei  magnitudinem,  nisi  humiliati:  hoc  autem  non  possumus  sine  timore.  Haec  ratio  est  cur  Deus  semper  aliquid  terribile  ostendat,  ubi  apparet  servis  suis:  non  ut  ipsos  reddat  attonitos,  sed  tantum  ut  formet  ad  metum  et  reverentiam.  Videtur  ergo  hoc  spectasse  Deus  in  visione  hac,  ubi  fluvius  egressus  est  a  conspectu  eius,  et  fluvius  ignis.  Postea  adiungit  stetisse  ministros  innumeros  coram  ipso.  Minime  dubium  est,  prophetam  loqui  de  angelis.  Dicit  autem  fuisse  millia  millium,  vel,  decies  centena  millia:  deinde,  decies  millia  decies  millium,  hoc  est,  decies  mille  myriadas.  Hic  non  recenset  numerum,  sed  significat  Deum  habere  praesto  ad  obsequium  maximos  exercitus,  et  qui  superent  quascunque  copias,  quas  summi  principes  et  potentissimi  colligunt.  Docet  hic  locus  angelos  creatos  esse  in  hunc  finem,  ut  Dei  mandata  excipiant  et  exsequantur:  denique  esse  ministros  Dei,  qui  sint  quasi  eius  manus  in  coelo  et  in  terra.  Quod  ad  numerum  spectat,  non  mirum  est  hic  poni  plures  myriadas  a  propheta.  Dicebat  Christus,  Annon  possum  rogare  patrem,  et  mittet  legionem?  Sic  etiam  hoc  loco  dicit  Daniel,  sub  manu  Dei  esse  innumeros  angelos,  neque  opus  esse  more  -principum  colligere  exercitus,  quia  semper  adsunt,  et  adsunt  intenti  ad  parendum.  Ita  quidquid  ipse  mandaverit  statim  completur:  quia  celeriter  angeli  discurrunt  per  coelum  et  terram.  Videmus  ergo  notari  hic  summum  Dei  imperium:  quasi  diceret  propheta,  Deum  non  titulotenus  esse  regem  vel  iudicem,  sed  pollere  summa  et  inaestimabili  potentia,  quoniam  praesto  adsint  myriades  satellitum,  sic  ut  possit  complere,  et  statim  exsequi  quidquid  visum  ��est.  Et  hoc  sensu  etiam  dicit,  stetisse  coram  ipso.  Ponit  verbum  ministrandi,  vel  serviendi:  sed  postea  adiungit  stare.  Ministri  enim  non  possunt  semper  operam  suam  impendere  tam  cito,  ut  cuperent  qui  in  illos  dominantur.  Sed  alia  est  ratio  in  angelis:  quia  non  tantum  parati  sunt  ad  obsequium,  sed  statim  intelligunt  quid  Deus  velit  ac  mandet,  ita  ut  non  opus  sit  tempore:  quemadmodum  videmus  etiam  summos  principes  non  statim  facere  quidquid  decretum  ipsis  est,  quia  ministri  non  semper  sunt  praesto.  De  angelis  hic  longius  disserere  nihil  opus  est.  Subiicit  Daniel  iudicium  sedisse  et  libros  fuisse  apertos.  Quanquam  unus  Deus  sic  eminet  atque  excellit  inter  angelos,  ut  quidquid  est  in  ipsis  gloriae  aut  dignitatis  non  obscuret  summum  Dei  imperium:  tamen  quemadmodum  ante  diximus,  dignatur  eos  hoc  honore,  ut  statuat  sibi  ab  utraque  parte  velut  consiliarios,  idque  maiestatis  suae  illustrandae  causa,  quemadmodum  diximus  proceres  non  sedere