4:56  traitter  de  la  corruption  de  nostre  nature,  nous  avons  monstre  plus  au  long  combien  les  hommes  sont  insuffisans  d'eux-mesmes  a≫  croire:  parquoy  ie  n'ennuiray  point  les  lecteurs  en  reiterant  ce  qui  a  este  dit.  Qu'il  nous  suffise  quand  sainct  Paul  nomme  Esprit  de  foy  (2  Cor.  4,  13),  qu'il  entend  la  foy  mesme  laquelle  nous  est  donnee,  1)  et  que  nous  n'avons  point  naturellement.  Parquoy  il  prie  Dieu,  qu'il  accomplisse  son  bon  plaisir  aux  Thessaloniciens,  et  l'oeuvre  de  leur  foy  en  vertu  (2  Thess.  1,  11).  Or  en  nommant  la  foy  OEuvre  de  Dieu,  et  l'intitulant2)  de  ce  mot  de  Bon  plaisir  ou  faveur  gratuite,  il  declaire  qu'elle  n'est  point  du  propre  mouvement  de  l'homme.  Qui  plus  est,  ne  se  contentant  point  de  cela,  il  adiouste  que  c'est  un  chef  d'oeuvre3)  ou  Dieu  desploye  sa  vertu.  Aux  Corinthiens  quand  il  dit  (1  Cor.  2,  4)  que  la  foy  ne  depend  point  de  la  sagesse  des  hommes,  mais  est  fondee  en  la  vertu  de  l'Esprit:  combien  qu'il  parle  des  miracles  exterieurs,  toutesfois  pource  que  les  reprouvez  n'en  savent  faire  leur  profit,  et  n'y  voyent  goutte,  il  comprend  aussi  ce  cachet  interieur  qui  seelle  la  verite  de  Dieu  en  noz  coeurs,  comme  il  en  fait  mention  ailleurs.  Dieu  aussi  pour  magnifier  tant  plus  et  esclarcir  sa  liberalite  en  ce  don  tant  excellent,  ne  l'eslargit  pas  indifferemment  a,  tous,  mais  le  distribue  d'un  privilege  singulier  a  ceux  que  bon  luy  semble.  Laquelle  chose  nous  avons  cy  dessus  prouve  4)  par  hons  tesmoignages.  Et  sainct  Augustin,  qui  en  est  fidele  expositeur,  parle  ainsi,5)  Nostre  Sauveur,  pour  monstrer  que  Croire  est  de  don,  non  point  de  merite:  Nul,  dit-il,  ne  vient  a  moy,  si  mon  Pere  ne  l'y  attire,  et  s'il  ne  luy  a  este  donne  de  mon  Pere  (Iean  6,  44).  C'est  merveille  que  deux  oyent:  l'un  mesprise,  et  l'autre  monte.  Que  celuy  qui  mesprise,  s'impute  la  faute:  que  celuy  qui  monte,  n'usurpe  point  l'honneur  a  soy.  En  un  autre  lieu,  Pourquoy  est-il  donne  a  l'un,  non6)  a.  l'autre?  Ie  n'ay  point  honte  de  dire  que  c'est  un  secret  profond  de  la  croix,  un  secret  des  iugemens7)  de  Dieu  que  ie  ne  cognoy  point,  et  dont  il  ne  nous  est  pas  licite  de  nous  enquerir:  et  de  la  procede  tout  ce  que  nous  pouvons.  Ie  voy  bien  ce  que  ie  peux:  dont  c'est8)  que  ie  le  peux,  ie  ne  le  1)  Le  latin  ajoute:  a  Spiritu.  2)  Le  latin  ajoute:  loco  epitheti.  3)  un  chef  d'oeuvre,  le  latin  dit:  specimen  virtutis  divinae.  4)  1562:  prouvee.  5)  August,  de  verbis  apost.  L.  31.  6)  1562:  et  non.  7)  un  secret  des  iugemens  .  .  .  .  tout  ce  que  nous  pouvons,  le  sens  de  la  phrase  de  St  Augustin,  n'est  pas  exactement  rendu.  La  voici:  De  profundo,  nescio  quo,  iudiciorum  Dei,  quae  perscrutari  non  possumus,  procedit  omne  quod  possumus.  .  8)  1560  a  par  suite  d'une  faute  d'impression  :  dont  ce  que.