39:56  est  cur  dicat,  Ignoscam  omnibus  iniquitatibus.  Dixerat,  purgabo  eos  ab  omni  iniquitate:  postea  addit,  Ignoscam  omnihus  iniquitatibus.  Mutatione  enim  hac  numeri  propheta  ostendit  turbam  et  varietatem  scelerum  quasi  diceret  multiplicem  esse  malorum  congeriem  ,  ita  ut  opus  sit  singulari  Dei  misericordia,  ut  ipsos  recipiat  in  gratiam.  Dicit  rursus,  quibus  peccarunt  mihi^  et  quibus  scelerate  egerunt  contra  me.  Confirmat  hoc  membrum  quod  iam  dixi  Iudaeos  scilicet  asperius  obiurgari  a  propheta,  ut  primo  reputent  quid  meriti  sint,  deinde  magnifaciant  Dei  gratiam  pro  sua  dignitate.  Interea  notemus  revocari  Iudaeos  ad  primam  fiduciae  causam,  ut  sperent  aliquid  de  sua  restitutione.  Haec  enim  origo  est  omnium  beneficiorum  Dei,  vel  fons,  ex  quo  manant  bona  omnia,  ubi  scilicet  Deus  nobis  est  propitius.  Potest  quidem  fieri  ut  largiter  suppeditet  nobis  quidquid  optamus,  interea  tamen  alienus  sit  a  nobis  :  quemadmodum  videmus  impios  saepe  affluere  bonis  omnibus:  et  ideo  gloriantur  et  superbiunt  ac  si  Deum  haberent  quodammodo  sibi  obstrictum.  Sed  quidquid  confert  Deus  et  largitur  impiis  proprie  loquendo,  non  potest  censeri  testimonium  favoris  et  gratiae.  Nam  hoc  modo  reddit  eos  magis  inexcusabiles,  quum  tractat  adeo  indulgenter.  Nullum  igitur  salutare  bonum  aliunde  fluit,  quam  a  paterno  Dei  amore.  Iam  videndum  est  quomodo  Deus  nobis  sit  propitius,  nempe  ubi  peccata  non  imputat.  Nisi  enim  praecedat  venia,  necesse  est  ipsum  nobis  esse  adversum.  Nam  quamdiu  respicit  quales  sumus,  reperiet  in  nobis  materiam  vindictae.  Sumus  igitur  semper  maledicti  coram  Deo,  donec  sepeliat  nostra  peccata:  ideo  dixi  Iudaeis  breviter  hic  ostendi  primum  fontem  bonorum  omnium,  quae  speranda  sunt,  nempe  si  Dens  ipsos  sibi  reconciliet  gratuita  venia.  Discamus  ergo  dirigere  sensus  nostros  ad  misericordiam  Dei  quoties  appetimus  quod  videtur  nobis  esse  utile.  Nam  si  arripimus  Dei  beneficia,  et  non  consideramus  unde  nobis  prodeant,  inescabimur.  Quemadmodum  pisces  sua  voracitate  se  strangulant  (arripiunt  enim  hamum  pro  esca)  sic  etiam  impii  dum  beneficia  Dei  cupide  arripiunt,  et  non  student  illum  habere  propitium,  sese  ingurgitant  in  suam  perniciem.  Ergo  ut  omnia  nobis  cedant  in  salutem,  semper  discamus  exordium  facere  a  paterno  amore  Dei,  et  sciamus  causam  illius  amoris  esse  immensam  eius  bonitatem,  qua  fit  ut  nos  sibi  gratis  reconciliet,  peccata  scilicet  non  imputando.  Colligimus  etiam  aliam  doctrinam  ex  hoc  loco,  nempe  si  gravitas  scelerum  nos  terreat,  tamen  superandam  esse  omnem  diffidentiam,  quia  Deus  non  modo  peccatoribus  qui  leviter  vel  per  inscitiam  et  errorem  lapsi  sunt  sed  quia  euinularunt  peccata  peccatis,  promittit  tamen  illis  misericordiam.  Ergo  non  est  cur  nos  obruat  scelerum  nostrorum  magnitudo,  quin  semper  audeamus  con-