37:56  in  eis.  Omnes  igitur  superstitiosos  vanitatis  plenos  esse,  nihil  iudicii  aut  rationis  habere  ostendit.  Hoc  quidem  ipsis  persuaderi  non  potest:  nam  arrogantia  sua  inflati  se  primarios  omnium  hominum  esse  putant,  nosque  velut  stupidos  et  humanarum  rerum  expertes  prae  se  despiciunt.  Quo  fastu  nos  contemnunt  papistae  et  acuti  eorum  doctores?  qua  superbia  olim  Romani  Iudaeos  spreverunt?  Sed  nihil  est  cur  moremur  talem  superbiam:  omnes  enim  hic  a  Deo  vanitatis  damnantur.  (Defectus  opera  eorum.)  Opera  vocat  tam  simulacra  quae  sibi  superstitiosi  homines  effingunt,  quam  omnes  commentitios  cultus,  quorum  nullus  est  finis  vel  modus,  ubi  quis  sibi  religionis  autor  et  magister  esse  appetit:  omnia  defectum,  id  est,  rem  nihili  esse  pronuntiat.  Planius  etiam  declarat,  quum  dicit  ventum  esse  et  chaos,  id  est,  rem  confusam.  Sic  enim  expono  inn,  quemadmodum  etiam  accipitur  primo  Geneseos,  quum  terram  primum  informem  ac  veluti  confusam  fuisse  Moses  ait.  Hic  locus  adversus  idololatras  diligenter  notandus.  Putant  enim  simulacra  instituta  esse  ad  conservandam  religionem,  atque  eorum  conspectu,  tanquam  visibili  praesentia  Dei,  animos  accendi.  Libros  simplicium  atque  idiotarum  esse  putant,  qui  scripturarum  lectione  institui  non  possunt.  Hic  vero  spiritus  Dei  rem  confusam  atque  informem  esse  dicit:  quia  videlicet  obturbantur  ingenia  hominum,  atque  in  superstitione  retinentur.  Imo  quidquid  verae  notitiae  hominibus  inest,  hoc  idolorum  cultu  suffocatur  atque  exstinguitur.  Denique  omnia  simulacra  et  eorum  cultus,  et  qui  eos  commenti  sunt,  et  qui  sequuntur,  meram  vanitatem  esse  docet,  atque  a  nobis  secure  damnari  posse.  CAPUT  XLII.  1.  Ecce  servus  meus,  innitar  illi  l)  electus  meus,  in  quo  sibi  placuit  anima  mea.  Posui  spiritum  meum  super  eum:  iudicium  gentibus  proferet.  2.  Non  clamabit,  neque  attollet,  neque  audire  faciet  in  plateis  vocem  suam.  3.  Arundinem  quassatam  non  perfringet,  nec  linum  fumans  exstinguet:  in  veritate  proferet  iudicium.  4.  Non  deficiet,  neque  frangetur  :  donec  ponat  in  terra  iudicium:  et  legem  eius  insulae  exspectabunt.  5.  Sic  dicit  Deus  Iehova2),  creator  coelorum,  et  expandens  eos:  dilatans  terram  et  germina  eius:  dans  flatum  populo  in  ea  habitantis  et  spiritum  ambulantibus  in  ea.  6.  Ego  Iehova  vocavi  te  in  iustitia,  et  tenebo  te  manu  tua:  custodiam  te,  et  ponam  in  foedus  populi,  in  lucem  gentium.  7.  Tit  aperias  oculos  cae-  *)  in  margine:  Vel  suffulciam  ipsum.  2)  Vel,  potens.