35:56  que  Dieu  me  tormente  si  durement?  Pourquoy  est-ce  qu'il  me  persecute  iusques  au  bout?  Ie  ne  say:  si  nous  n'entendons  point  la  raison,  si  faut-il  conclurre,  O  mon  Dieu,  tes  conseils  sont  incomprehensibles,  i'attendray.patiemment  que  tu  me  faces  cognoistre  pourquoy,  quand  ie  ne  puis  pour  le  present  cognoistre  d'avantage  pour  ma  rudesse,  et  l'infirmite  de  mon  Esprit.  Ainsi,  Seigneur,  apres  que  i'auray  demeure  ici  comme  un  povre  aveugle,  tu  m'ouvrira8  les  yeux,  tu  me  feras  sentir  ou  ces  choses  tendent,  quelle  en  doit  estre  l'issue,  et  i'y  profiterai  mieux  qu'a  present.  Voila  donc  la  prudence  qui  doit  estre  en  tous  fideles,  c'est  d'avoir  ceste  modestie  en  eux  de  tousiours  confesser  que  Dieu  est  iuste,  encores  qu'ils  n'appercoivent  point  la  raison  de  ses  oeuvres.  Et  cependant  aussi  ils  doivent  avec  toute  humilite  se  confesser  povres  pecheurs:  voire,  et  que  Dieu  trouveroit  assez  de  raison  pour  les  exterminer  du  tout,  n'estoit  qu'il  les  voulust  supporter  par  sa  pure  grace.  Voila  en  somme  ce  que  nous  avons  a  retenir  de  ce  passage.  Or  venons  a  ce  qui  est  adiouste.  Dieu  a  prins  occasion  contre  moi  (ou  querelles)  et  cependant  a  mis  mes  pieds  aux  ceps,  et  me  tormente,  et  prend  garde  a  tous  mes  sentiers:  il  m'espie,  il  a  l'oeil  sur  moi,  tellement  que  ie  ne  puis  pas  remuer  un  doigt  qu'incontinent  ie  n'aye  commis  une  faute.  Il  est  vrai  que  Iob  n'entendoit  pas  d'accuser  Dieu  d'iniustice,  et  que  sans  propos  il  l'affligeoit.  Mais  cependant  notons  bien  qu'il  a  este  transporte  en  ses  passions,  en  sorte  qu'il  lui  est  sorti  par  bouffees  des  rebellions  lesquelles  ne  sont  point  a  excuser,  et  nous  avons  note  tout  cela  quand  l'opportunite  l'a  requis,  c'est  a  dire  en  son  lieu,  car  nous  avons  monstre  que  Iob  s'escarmouchoit  par  trop  a  l'encontre  de  Dieu:  et  encores  qu'il  fust  patient,  et  qu'il  eust  tousiours  ce  but  de  le  glorifier,  si  est-ce  qu'il  estoit  trouble  par  fois,  et  qu'il  a  este  si  bas  qu'il  ne  savoit  ou  recourir.  Or  ceci  est  bien  a  noter,  et  en  pouvons  aussi  recueillir  une  bonne  doctrine:  c'est,  Que  combien  que  nous  ne  soyons  point  tellement  transportez  que  de  vouloir  blasphemer  Dieu:  toutes  fois  si  nous  avons  quelque  peu  de  liberte,  o  incontinent  nous  sommes  hors  des  gonds  (comme  on  dit)  et  il  n'y  a  point  de  mesure  en  nous.  C'est  pitie  que  de  l'homme:  car  il  est  tellement  farci  de  mal,  que  si  tost  qu'il  se  donne  quelque  peu  de  licence,  le  voila  renverse  d'un  coste  ou  d'autre,  et  il  ne  tiendra  point  le  droit  chemin:  le  voila  esgare,  voire  sans  qu'il  y  pense.  Il  est  certain  quand  on  eust  demande  a  Iob,  Dieu  cerche-il  occasion  contre  toy  pour  te  traitter  cruellement?  Non,  il  est  iuste.  Il  eust  ainsi  respondu,  voire  sans  hypocrisie.  Toutes  fois  il  lui  est  ici  reproche,  et  non  sans  cause,  qu'il  a  conteste  contre  Dieu,  comme  s'il  eust  cerche  des  causes  frivoles.  Comment  cela  se  fait-il?  et  pour-