33:56  pensions  pour  nous  y  desplaire,  et  nous  condamner.  Voila  donc  comme  il  nous  faut  estre  craintifs  pour  le  passe,  et  pour  l'advenir.  Et  c'est  ce  que  nous  avons  a  noter  sur  ce  passage,  quand  Iob  dit  :  Possible,  mes  enfans  auront  peche,  combien  qu'ils  n'y  ayent  point  pense.  Et  c'est  le  soin  que  nous  devons  avoir  de  nous  soliciter  a  invoquer  Dieu,  qu'il  nous  pardonne  nos  fautes,  afin  qu'il  ne  permette  point  que  nous  declinions  ne  ca  ne  la:  mais  que  nous  demourions  au  chemin  qu'il  nous  .monstre.  Pour  conclusion,  quand  Iob  dit,  Possible,  mes  enfans  auront  benit  le  Seigneur:  notons  que  ce  mot  est  prins  pour  Maudire,  combien  qu'il  signifie  Benir:  et  cela  est  pour  plus  grande  detestation,  afin  que  nous  sachions  quelle  faute  c'est  de  ne  point  benir  Dieu,  c'est  a  dire,  de  ne  luy  attribuer  point  la  louange  qu'il  merite  de  nous.  Oar  defaict  cela  nous  doit  faire  dresser  les  cheveux  en  la  teste,  et  devons  avoir  horreur  quand  il  est  parle  de  maudire  Dieu.  Voila  donc  pourquoy  ce  mot  de  benir  Dieu  a  este  applique  en  usage  contraire.  Tant  y  a  en  somme  qu'il  est  dict,  Que  Iob  a  craint  que  ses  enfans  n'eussent  point  benit  Dieu  comme  il  appartenoit,  et  que  s'ils  ne  le  benissoyent,  c'estoit  comme  le  maudire.  Or  le  principal  est,  qu'il  nous  faut  regarder  comme  nous  avons  a  glorifier  Dieu  en  toute  nostre  vie:  car  voila  aussi  pourquoi  nous  sommes  creez,  et  que  nous  vivons.-  Quand  donc  nous  voudrons  que  nostre  vie  soit  approuvee  de  Dieu,  que  nous  tendions  tousiours  a  ce  but-la,  qu'il  soit  benit  et  glorifie  de  nous,  et  que  nous  ayons  un  tel  zele  et  une  affection  ardante  de  servir  a  sa  gloire:  que  nous  cognoissions  que  c'est  une  chose  insupportable,  voire  execrable  iusqu'au  bout,  quand  son  Nom  est  blaspheme  par  nous,  et  qu'il  est  comme  maudit,  c'est  a  dire,  que  nous  sommes  cause  que  sa  gloire  est  comme  aneantie,  veu  qu'il  a  mis  son  image  en  nous,  afin  qu'elle  y;  reluise.  Que  donc  nous  ne  soyons  point  desbordez  comme  beaucoup,  lesquels  ne  vivent  sinon  pour  blasphemer  Dieu,  c'est  a  dire,  pour  luy  estre  execrables,  d'autant  que  son  Nom  est  blaspheme  en  eux.  Cognoissons  que  telles  gens  sont  comme  des  monstres  faits  contre  nature:  mais  prions  Dieu  qu'il  nous  face  la  grace  de  cognoistre  pourquoy  c'est  qu'il  nous  a  mis  au  monde,  c'est  assavoir,  a  ce  que  nous  le  magnifions,  attendans  ceste  iournee  bien  heureuse,  en  laquelle  il  nous  recueillira  tous  a  soy,  quand  nous  aurons  tellement  converse  on  ce  monde,  que  nous  n'y  aurons  cerche  sinon  qu'il  nous  gouverne,  nous  assubiettissans  a  luy  en  tout  et  par  tout.  Or  nous  nous  prosternerons  devant  la  face  de  nostre  bon  Dieu,  etc.