3:56  que  les  Ephesiens  estoyent  du  tout  sans  Dieu,  du  temps  qu'ils  estoyent  esgarez  de  celuy  qui  l'est  à  la  verité  luy  seul  (Ephes.  2,  12).  Et  n'y  a  pas  ici  grande  distance  entre  les  deux,  pour  le  moins  en  ce  poinct,  c'est  de  concevoir  un  dieu  ou  plusieurs,  pource  que  tousiours  on  se  destourne  du  vray  Dieu,  et  quand  on  l'a  delaissé,  il  ne  reste  plus  qu'une  idole  execrable.  Par  ainsi  nous  avons  à  conclurre  avec  Lactance,  qu'il  n'y  a  nulle  religion,1)  si  elle  n'est  coniointe  avec  la  verité.  4.  Il  y  a  encores  un  second  mal,  c'est  que  les  hommes  ne  se  soucient  gueres  de  Dieu,  s'ils  n'y  sont  forcez,  et  ne  veulent  approcher  de  luy  sinon  qu'ils  y  soyent  trainez  maugré  qu'ils  on  ayent:  mesme  alors  encores  ne  sont-ils  point  induits  à  crainte  volontaire,  qui  procede  d'une  reverence  de  sa  maiesté,  mais  seulement  d'une  crainte  servile  et  contrainte,  entant  que  son  iugement  là  leur  arrache:  lequel,  pource  qu'ils  ne  le  peuvent  eschaper,  ils  ont  en  horreur,  toutesfois  en  le  detestant.  Car  ce  qu'un  Poete  payen  a  dit  compete  vrayement  à  l’impieté  seule:  assavoir  que  la  crainte  s'est  forgée  des  dieux  la  premiere.2)  Ceux  qui  se  voudroyent  desborder