27:56  tir  quelle  est  sa  vertu:  comme  il  dit:  Si  vous  venez  a  moy  a  l'estourdie,  i'iray  aussi  a  l'estourdie  avec  vous.  Et  c'est  ce  qu'il  dit  au  Pseaume  18,  le  seray  revesche  a  ceux  qui  seront  revesches,  et  rude  a  ceux  qui  se  voudront  endurcir  contre  moy.  Apprenons  donc  en  somme  que  Dieu  par  sa  parole  nous  veut  mettre  un  ioug  sur  le  col,  c'est  a  dire,  qu'il  nous  veut  assuiettir  a  sa  iustice:  et  le  tout  pour  nostre  bien.  Et  encores  que  la  Loy  nous  soit  impossible,  mesme  que  nous  ne  puissions  pas  remuer  un  petit  doigt  pour  nous  y  adonner,  que  nous  ne  puissions  point  avoir  une  seule  bonne  pensee:  si  est-ce  que  ce  ioug-la  nous  est  benin  et  amiable  de  soy,  et  que  tout  le  mal  procede  de  nous.  Car  si  nous  ne  voulons  point  plier  ce  col,  mais  que  nous  l'ayons  dur  comme  fer  et  airain:  qu'au  lieu  d'estre  des  boeufs  pour  labourer,  ou  des  brebis  qui  suyvions  la  voix  de  nostre  pasteur,  nous  soyons  des  taureaux  qui  voudroyent  hurter  avec  une  rage  et  furie  pour  reietter  tout  ioug,  et  que  nous  n'y  allions  point  seulement  de  parole,  mais  que  ce  soit  pour  repousser  toute  suiettion,  que  nous  soyons  endurcis  a  l'encontre  de  Dieu  :  quelle  excuse  y  aura-il  en  nous,  quand  nous  ne  nous  rendrons  point  a  luy  dociles  de  nostre  bon  gre?  Or  tant  y  a  que  nous  voyons  comme  il  en  va.  Il  faut  donc  que  Dieu  nous  matte,  et  qu'il  nous  dompte  a  grands  coups  :  comme  de  faict  toutes  les  afflictions  qui  nous  viennent,  prenons-les  comme  des  coups  que  Dieu  nous  donne,  afin  de  nous  faire  plier  le  col  sous  luy,  et  nous  rendre  traittables  et  obeissans.  Mais  quand  nous  irons  tousiours  ainsi  a  l'opposite,  et  tout  au  rebours:  alors  il  fait  ceste  menace-  la  par  Moyse:  I'iray  a  l'estourdie  contre  vous  aussi  bien.  Il  use  notamment  de  ce  mot-la,  afin  que  les  hommes  ne  se  iouent  point  avec  luy.  Or  de  prime  face  on  trouveroit  estrange  ce  qu'il  dit  au  Pseaume  que  nous  avons  allegue:  Qu'il  sera  revesche  a  ceux  qui  seront  revesches.  Et  comment?  Cela  compete-  ii  a  Dieu?  Nenni.  Mais  c'est  comme  s'il  disoit:  Vous  sentirez  en  moy  une  plus  grande  durte  que  la  vostre:  venez  hurter,  et  qu'on  voye  sivous  estes  plus  habiles  :  il  faudra  que  ie  vous  confonde  et  abysme.  Et  ainsi  cessons  de  mal  faire,  et  venons  a  Dieu,  cependant  qu'il  nous  y  convie  :  et  y  estans  venus,  que  nous  souffrions  d'estre  gouvernez  par  son  S.  Esprit,  qui  est  l'Esprit  de  mansuetudo,  afin  que  nous  venions  nous  ranger  a  luy.  Et  pour  ce  faire  notons  quant  et  quant  la  doctrine  que  Moyse  adiouste:  V  Eternel  ton  Dieu,  ou  le  Bien  des  dieux,  il  est  grand  Dieu,  il  est  puissant  et  robuste:  mais  regardons  aussi  qu'il  ri  accepte  point  les  personnes,  c'est  a  dire,  il  n'a  point  d'esgard  :  il  iuge  en  verite.  Advisez  donc  de  ne  vous  plus  fier  en  vostre  circoncision,  ni  en  choses  semblables  :  mais  cognoissez  que  vostre  Dieu  veut  avoir  un  service  tel  que  le  coeur  luy  soit  dedie,  et  que  vous-vous  rendiez  a  luy,  afin  qu'il  vous  tienne  en