26:56  que  Dieu  nous  promet.  Ainsi  quand  nous  aurons  ceste  promesse,  il  ne  nous  faut  plus  repliquer  a  l'encontre,  contentons-nous  qu'il  ait  dit  le  mot,  et  marchons  hardiment.  Ne  crain  point  (dit  le  Seigneur)  ie  le  livrer  ay  en  ta  main.  Quand  cela  est  dit:  Ie  Vay  livre  en  ta  main,  nostre  Seigneur  adiouste  pour  conclusion  :  Ne  crain  point  donc.  Or  comment  nous  faut-il  appliquer  ceste  doctrine  a  nostre  instruction  ?  Quant  au  premier,  advisons  que  Dieu  nous  promet.  Si  nous  ne  savions,  assavoir  s'il  nous  veut  laisser  au  bourbier,  et  en  la  fange,  quand  nous  nous  trouvons  empeschez  en  quelque  perplexite  et  angoisse,  nous  pourrions  craindre:  et  si  nous  ne  craignions,  nous  serions  stupides  par  trop.  Mais  quand  Dieu  nous  dit:  Mes  enfans,  il  est  vray  que  vous  estes  foibles,  vous  ne  pouvez  rien  du  tout,  et  vous  avez  un  ennemi  trop  fort:  vous  ne  pourriez  donc  nullement  resister,  si  vous  n'estes  aidez  et  soustenus  par  moy:  mais  ie  vous  dcclaire,  que  vos  tentations  ne  seront  point  par  dessus  vostre  portee:  ie  cognoy  ce  que  vous  pouvez,  ie  vous  donneray  force  et  vertu  au  besoin.  Ie  modereray  aussi  les  tentations  qui  vous  pourroyent  accabler:  encores  que  le  diable,  et  le  monde  soyent  enragez  contre  vous,  si  est-ce  que  ie  brideray  le  tout.  Que  si  vous  estes  assaillis  rudement,  tant  y  a  qu'encores  vous  en  yiendrez  a  bout:  confiez-vous  en  cela.  Dieu  a-il  ainsi  parle,  comme  il  parle?  n'en  doutons  point.  Non  pas  que  nous  puissions  estre  exemptez  pleinement  de  crainte,  cependant  que  nous  vivrons  en  ce  monde:  combien  que  nous  ayons  les  promesses  de  Dieu  par  lesquelles  nous  sommes  asseurez  qu'il  ne  nous  laissera  iamais,  que  nous  sentirons  son  secours  a.  la  necessite:  toutesfois  si  ne  faut-il  point  que  nous  pensions  estre  sans  souci,  ne  sans  doute,  et  qu'il  ne  faille  que  nous  regardions  aux  dangers  desquels  nous  sommes  enyironnez.  Voire-mais  ceste  crainte-la  ne  nous  doit  point  tellement  saisir,  que  nous  ne  prenions  courage  pour  invoquer  nostre  Dieu,  pour  nous  reposer  en  luy,  et  pour  marcher  plus  outre.  Quand  donc  il  est  dit:  Ie  faideray,  ne  crain  point:  nostre  Seigneur  veut  que  noue  combattions  tellement  contre  toute  crainte,  qu'elle  ne  domine  point  pour  nous  faire  tout  quitter,  et  pour  nous  faire  tourner  bride,  et  pour  nous  divertir,  en  sorte  que  nous  soyons  confus:  mais  que  plustost  en  craignant  nous  esperions,  et  que  nous  prenions  courage  pour  marcher,  voyans  que  nous  avons  Dieu  pour  nous.  Voila  donc  ce  qui  est  ici  a  retenir.  Et  principalement  appliquons  ceste  doctrine  a  nos  combats  spirituels  que  nous  avons  contre  Satan.  Car  si  le  peuple  d'Israel  n'a  peu  vaincre  ses  ennemis  qui  estoyent  hommes,  comment  viendrons-nous  a  bout  du  prince  du  monde,  et  d'une  infinite  de  diables  qui  sont  comme  lions  ravissans,  et  qui  nous  auroyent  tantost  engloutis?  Quelle  est  nostre  force  pour  repousser