22:56  tuaire  de  Dieu  non  point  faict  de  main  dhomme,  il  se  represente  perpetuel  advocat  et  mediateur  pour  nous.  Ce  quil  est  dict  maintenant  estre  assiz  a  la  dextre  du  Pere,  premierement  signifie  quil  est  constitue  et  declaire  roy,  maistre62)  et  seigneur  sur  toutes  choses,  affin  que  par  sa  vertu  il  nous  conserve  et  maintiene63)  tellement  que  son  regne  et  sa  gloire  est  nostre  force,  vertu  et  gloire  contre  les  enfers.  Secondement  il  signifie  quil  a  receu  toutes  les  graces  du  S.  Bsperit  pour  les  dispenser,  desquelles  il  enrichist  ses  fideles.  Pourtant  combien  que  esleve  au  ciel  il  ait  oste  la  presence  de  son  corps  de  devant  noz  yeulx,  toutesfois  il  ne  cesse  point  dassister  par  ayde  et  puissance  a  ses  fideles  et  de  leur  monstrer  une  vertu  manifeste  de  sa  presence,  ce  que  aussi  il  a  promis  disant:  Voycy  ie  suis  avec  vous  iusques  a  la  consommation  du  monde.  Finalement  sensuyt  quil  descendra  de  la  en  forme  visible  telle  quon  le  y  a  veu  monter,  cest  a  scavoir  au  dernier  iour  auquel  il  apparoistra  a  tous  en  la  maieste  incomprehensible  de  son  regne  pour  iuger  les  vifz  et  les  mors  (cest  a  dire  ceulx  lesquelz  ce  iour  la  surprendra  vivans  et  ceulx  lesquelz  auparavant  seront  mors),  rendant  a  tous  selon  leurs  oeuvres,  comme  un  chascun  par  ses  oeuvres  se  sera  approuve  estre  fidele  ou  infidele.  Et  de  cecy  revient  a  nous  une  singuliere  consolation,  que  nous  entendons  le  iugement  estre  commis  a  celluy  duquel  ladvenement  ne  nous  peult  estre  sinon  a  salut.  Ie  croy  au  sainct  Esperit.  Quand  nous  sommes  enseignez  de  croire  au  S.  Esperit  pareillement  aussi  il  nous  est  commande  dattendre  de  luy  ce  qui  luy  est  attribue  en  lEscripture.  Car  Christ  oeuvre  par  la  vertu  de  son  Esperit  tout  ce  qui  est  de  bon  quelque  part  que  ce  soit:  par  elle  il  faict,  soustient,  entretient  et  vivifie  toutes  choses:  par  elle  il  nous  iustifie,  sainctifie,  purge,  appelle  et  tire  a  soy  affin  que  nous  obtenions  salut.  Pourtant  le  S.  Esperit,  quand  en  ceste  maniere  il  habite  en  nous,  est  celluy  qui  nous  esclaire  de  sa  lumiere  affin  que  nous  apprenions  et  pleinement  cognoissions  combien  grandes  richesses  de  la  divine  bonte  nous  possedons  en  Christ,  qui  enflamme  noz  cueurs  du  feu  de  ardente  charite  de  Dieu  et  du  prochain,  et  tous  les  iours  de  plus  en  plus  mortifie  et  consomme64)  les  vices  de  nostre  concupiscence,  tellement  que  sil  y  a  en  nous  quel-  62)  arbiter.  63)  moderetur.  64)  excoquit  et  exurit.