21:56  Or  cependant  que  Calvin  demeuroit  a  Bourges,  advint  que  son  pere  va  mourir;  qui  fut  cause  qu'abandonnant  ses  estudes  de  loix,  il  retourna  a  Noyon,  et  depuis  vint  de  la  a  Paris.  Et  lors  estant  a  Paris,  il  composa  un  docte  et  singulierement  beau  Commentaire  sur  le  livre  de  Seneque  touchant  la  vertu  de  Clemence.  Il  avoit  adonc  24  ans  seulement:  mais  nonobstant  sa  ieunesse,  il  ne  fut  gueres  sans  estre  cognu  et  honore  de  tous  ceux  qui  avoyent  quelque  sentiment  de  verite.  Entre  autres  ausquels  il  avoit  cognoissance  a  Paris,  il  lui  souvenoit  tousiours  d'un  marchant,  homme  riche,  et  craignant  Dieu,  nomme  Estienne  de  la  Forge,  qui  depuis  aussi  fut  brusle  pour  l'Evangile,  et  duquel  il  fait  mention  au  4.  chap.  de  son  livre  contre  les  Libertins.  Quand  il  parloit  de  ce  personnage-la,  c'estoit  tousiours  en  luy  rendant  tesmoignage  de  grande  piete,  de  bonne  simplicite,  et  sans  feintise;  que  c'estoit  un  marchant  bien  prudent  et  diligent,  mais  neantmoins  de  fort  bonne  conscience  et  vray  Chrestien.  Calvin  donc  de  sa  part  prenant  des  lors  resolution  de  se  dedier  du  tout  a  Dieu,  travailloit  avec  grand  fruict:  tellement  qu'estant  advenue  esmeute  a  Paris  du  temps  d'un  Recteur  nomme  M.  Nicolas  Cop,  il  fut  envoye  en  Cour  pourchasser  quelque  provision:  la  ou  il  fut  recognu  et  tresbien  recueilli  de  ceux  qui  avoyent  quelque  droite  affection  et  iugement  en  ces  affaires.  L'occasion  de  l'esmeute  fut  que  ledit  Cop  Recteur,  en  l'oraison  qu'il  avoit  faite  (comme  la  coustume  estoit)  environ  la  feste  de  Toussaincts  qu'on  appelle,  avoit  parle  des  affaires  de  la  religion  plus  avant  et  purement  que  la  Sorbonne  et  le  Parlement  ne  trouvoyent  bon  :  tellement  que  la  Cour  de  Parlement  Fenvoya  querir,  et  luy  se  mit  en  chemin  pour  y  aller  avec  ses  bedeaux:  mais  estant  adverti  que  c'estoit  pour  l'emprisonner  n'alla  iusques  au  palais,  et  s'en  retourna;  et  depuis  se  absenta  du  Royaume,  se  retirant  a  Basle  dont  estoit  natif  son  pere  M.  Guillaume  Cop,  medecin  du  Roy,  et  homme  fort  renomme.  Calvin  aussi,  pour  la  familiarite  qu'il  avoit  eu  avec  ledit  Cop,  fut  contreint  [a  8]  de  sortir  de  Paris,  estant  recherche  iusques  la  que  le  Bailly  Morin  alla  en  sa  chambre  au  college  de  Fortret,  ou  il  se  tenoit,  pensant  le  constituer  prisonnier:  mais  ne  le  trouvant  pas,  saisit  tout  ce  que  il  peut  de  ses  livres  et  papiers:  entre  lesquels  estans  plusieurs  lettres  de  ses  amis  tant  d'Orleans  que  d'ailleurs,  on  tascha  de  leur  en  faire  fascherie:  toutesfois  Dieu  voulut  que  cela  ne  vint  a  effect.  De  Paris  Calvin  adonc  s'en  vint  demeurer  en  Xantonge  :  et  estant  avec  un  ieune  homme  de  riche  maison  qui  avoit  la  un  benefice,  advint  qu'iceluy  ieune  homme  le  pria  de  coucher  par  escrit  quelques  formulaires  de  sermons  et  remonstrances  Chrestiennes:  lesquelles  il  faisoit  reciter  au  prosne  par  cer-