20:56  3975.  IONVILLAEUS  BULLINGERO.  Queritur  se  a  Trecio  nihil  accepisse  antequam  is  Turicum  reliquerit  et  miratur  an  fasciculus  literarum  et  libellorum  ipsi  missorum  in  eius  manus  pervenerit  (Ex  autographo  Arch.  Turic.  Plut.  VI.  Vol.  166,  olim  Scrin.  B.  Epp.  Tom.  24,  fol.  282.)  Clarissimo  viro  D.  Henrico  Bullingero  ecclesiae  Tigurinae  fido  pastori  mihi  plurimum  observando.  S.  Literas  tuas  12  Iunii  scriptas,  *)  vir  clarissime,  ad  23  accepi,  quibus  respondere  si  vellem  copiosius  mihi  non  licet  propter  nuncii  discessum  repentinum.  Nam  hac  ipsa  hora  D.  Calvinus  pro  singulari  sua  humanitate  et  summa  erga  me  benevolentia  significat,  si  quid  velim  istuc  scribere,  ante  duas  horas  abiturum  qui  literas  meas  perferat:  et  quia  aliis  negotiis  distrahitur,  paulo  post  se  scripturum  ad  te  et  me  vocaturum  ut  excipiam.  Dum  exspecto  ut  me  accersat,  haec  pauca  tibi  breviter:  de  eius  valetudine  nihil  scribo,  quum  minime  dubitem,  quin  more  suo  tibi  significaturus  sit.  Trecium  abiisse  6.  Maii  intellexeram  ex  D.  Calvino  cui  scripseras,  sed  nullas  prorsus  ab  eo  literas  accepi:  quod  mihi  tam  molestum  non  est,  quam  quod  vereor  ne  acceperit  fasciculum  literarum,  quem  illi  mittebam  ante  initium  Maii.  Tibi  inscripseram,  quia  tunc  quoque  D.  Calvinus  scribebat  et  ad  te  mittebat  exemplar  expositionis  quam  Admonitioni  suae  ad  Polonos  addiderat.  Mittebam  etiam  ad  Trecium  15  vel  plura  exemplaria  ut  D.  GualtherOy  Wolfio,  Lavatero  et  aliis  amicis  daret.  Verum  nihil  unquam  responsum  accepi,  ut  nunc  credam  interceptum  fuisse  fasciculum  illum  Quod  mihi  pergrave  ac  molestum  esse  fateor  non  modo  ob  illa  quae  commemoravi  exemplaria,  et  quae  typis  excudenda  curaveram,  ne  intercideret  illa  explicatio:  sed  quia  adiunctae  erant  literae  a  D.  Calvino  ad  Sarnicium  et  Iacob.  Sylvium  pastores  Polonos,  quibus  respondebat.2)  Quod  si  nondum  forte  videris  illam  expositionem,  mitto  unum  exemplar,  ut  intelligam  ex  te,  an  fasciculum  acceperis,  in  quo  erat  inclusa  cum  D.  Calvini  ad  te  literis:  Remitto  exemplar  literarum  ad  Trecium,  quod  statim  D.  Calvino  reddidi  ut  volebas.  .  .  .  .  .  .  .  .  Genevae  raptim  2.  Iulii  1563.  Carolus  Ionvillaeus  tui  observandiss.  3975.  1)  Habemus  illo  die  duas  ad  Calvinum  et  Bezam  scriptas,  nullam  ad  lonviUaeum.  2)  Non  exstant.