15:56  christianae  religionis  fundamentum,  neque  quidquam  aliud  prophetae,  apostoli  et  ecclesia  sancta  testantur.  Quid  igitur?  quid  aliud  dicere  possumus  nisi  illud  ethnicum  :  Omne  in  praecipiti  vitium  stetit  ?  8)  O  si  tantum  iracundiae  aestum  aliqua  lenitatis  temperie  mitigare  voluissetis,  si  calorem  illum  animis  ebullientem  temporis  spatio  refrigerari  permisisset,  si  tam  ultrici  libidini  fraena  non  laxassetis,  quam  alieni  nunc  ab  ea  occidendi  hominis  saevitia  sive  sententia  videremini!  Num  pauperculus  ille  verum  Deum  negabat  quem  unice  tuebatur  ?  num  Dei  filio  seductorem  Maumethem  praeferebat,  qui  solum  Iesuin  Christum  crucifixum  agnosceret,  in  corde  et  ore  semper  haberet,  solum  praedicaret,  in  eo  solo  spem.  et  fiduciam  omnem  reponeret?  Quod  si  diversam  opinionem  circa  nomen  illud  trinitatis  et  verbi  interpretationem  sive  declarationem  a  communi  doctorum  sententia  a  vobis  quoque  recepta  et  approbata  conceperat,  quam  scriptura  et  rationibus  se  tueri  posse  et  debere  sperabat,  eratne  tam  repente  et  praecipiti  iudicio  damnandus  et  horrendo  flammarum  supplicio,  praesertim  in  evangelica  et  libera  civitate,  tam  immaniter  et  ignominiose  tradendus?  Ubi  patrum  et  procerum  synodus  convocata,  qui  de  re  tam  ardua  et  seria  mature  dispicerent,  omni  odio  et  humanis  affectibus,  seu  (ut  vulgarius  dicam)  passionibus  animi  circumscriptis  ?  Vos  ipsi  in  unius  animulae  interitum  et  accusatores  et  scribae  et  iudices  et  exsequutores  fuistis.  Dicite,  quaeso,  quem  illi  carceribus  incluso  patronum  aut  defensorem  decrevistis?  quam  illi  libertatem  impune  loquendi  et  rationes  suas  proferendi  fecistis?  At  dicetis:  disputavit  nullis  vinculis  alligatus,  libere  loquutus  est,  dixit  quae  voluit,  omnia  gesta  fideliter  excepta  et  aliis  ecclesiis  transmissa,  reus  mortis  iudicatus  est,  bene  habet,  tragoedia  legitime  peracta  est.  Quasi  vero  causam  suam  libere  dixerit  qui  continue  carceribus  detentus,  nullius  patroni  aut  confidentia  suffragio  adiutus,  sub  iudicibus  suspectis,  imo  et  capitali  illum  odio  prosequentibus  et  gesta  ut  libuit  eonscribentibus,  nullo  pro  captivo  gestorum  conseriptioni  assistente  vel  intercedente,  nullius  amici  seu  defensoris  patrocinio  fultus,  quocum  animi  sui  affectus  et  rationes  miserandus  exponeret.  Quid  dicam?  Breviter  repeto:  causam  suam  libere  dixit  qui  eosdem  et  capitales  inimicos  et  accusatores  et  scribas  et  iudices  habuit  et  exsequutores?  quis  iam  dubitet,  sub  colore  et  praetextu  divini  zeli  et  publicae  vindictae  privatam  ultionem  non  fuisse  peractam?  Quae  alia  evangelica  civitas  vel  ecclesia  advenam  et  peregrinum  virum,  quamvis  haeresiarcham,  nihil  tamen  in  ea  civitate  moventem,  tanta  perfidia  detinuisset,  tam  praecipiti  iudicio  damnasset,  tam  diro  8)  Iuvenal  Sat  I.  149,