13:56  1079*  BUCERUS  CALVINO.  Tristis  rerum  status  Argentorati  cui  Interim  obtruditur  sine  aliquo  temperamento.  Contra  quod  an  Calvinus  scribere  debeat  ipsi  deliberandum  permittit  (Manu  scriptam  nusquam  vidimus.  Edidit  Beza  Genev.  p.  93,  Laus,  p,  157,  Hanov.  p.  176,  Chouet  p.  124,  Amst.  p.  56.)  S.  D.  in  Domino  qui  vestras  ecclesias  diu  servet,  ut  vel  alicuhi  vox  pura  sonet  evangelii.  Quam  pauci  domus  suas  non  in  arenam  aedificarint,  dies  praesens  testatur.  Deo  plus  potentiae  perpauci  tribuunt,  quam  sufficere  carnis  ratio  iudicare  potest.  Pendemus  nos  hic  adhuc  consiliis.  Petierant  nostri  ab  Imperatore,  ut  vel  aliquas  nobis  ecclesias  relinqueret  pro  pura  religionis  administratione:  id  quod  ille  pernegavit.  *)  Nunc  quid  facturi  sint,  novit  Dominus.  Nonnisi  miraculis  servari  poterimus.  Tu  ora  nobiscum.  De  farragine  nescio  quid  faciendum  tibi  statuam.  Optarim,  et  utile  ecclesiis  agnosco,  consilia  et  fraudes  adversarii  detegi:  tamen  haereo,  an  ecclesiae  utile  sit  in  te  irritari  singulariter  crabrones.  Dominus  dedit  tibi  insigne  donum  illustrandi  evangelium  suum,  cuius  praeclarum  nobis  munus  iam  iterum  exhibuisti  commentariis  tuis  in  Epistolas  ad  Timotheum.  Spiritus  Domini  ipse  te  regat,  et  certum  reddat  de  hac  re  et  de  omni  ministerio  tuo.  Hic  si  quid  fermenti  recipiatur,  finem  faciet  ministerii  mei  hic  Dominus.2)  Tum  forsan  dabit,  ut,  quod  expetii  toties,  videam  vestras  ecclesias.  Salveant  sancti  istic  omnes.  Plurimum  me  recreat  subsistere  adhuc  in  sua  statione  opt  Viretum  nostrum.  Optime  vale  cum  uxore  et  domo  tua  tota.  Pridie  Calendas  Octobris  1548.  Tuus  totus  Bucerus.  1080.  CRANMERUS  BUCERO.  Invitat  eum  ut  in  Angliam  se  recipiat  patriae  vulnera  melius  absens  sanaturus  quam  praesens.  (Ex  authentico  exemplari  Archiv.  Thoman.  Argent.)  1079.  1)  Postridie  Cal  Sept.  legati  lac.  Sturm,  Matth.  Geiger  et  Lud.  Gremp  ad  Imperatorem  missi  fuerant,  in  hunc  finem.  Quos  ille  iussit  cum  episcopo  rem  tractare.  Post  longas  negotiationes  decretum  est  eam  arbitris  mediatoribus  committere.  (Sleid.  143.  159.  Boehrich  lh  198.)  2)  Quod  evenit  Cal  Mart.  1549.