5:559  ACTES  DE  RATISBONNE.  lement  qui  appartiennent  au  Seigneur  :  et  qu'il  ne  se  povoit  faire,  que  celuy  qui  estoit  marie,  ne  s'empeschast  des  affaires  du  monde  (1  Cor.  7,  32):  a  ceste  cause  les  dictz  Peres  ont  este  fort  addonnez  et  enclins,  a  commander  aux  Ministres  continence  perpetuelle:  ia  soit  qu'en  cest  endroit  l'ancienne  Eglise  n'usoit  point  de  telle  rigueur  que  celle  de  nostre  temps.  l)  [fol.  57]  Car  l'Eglise  ancienne  a  receu  en  Tordre  de  Prestrise  ceux  qui  estoyent  tant  seulement  marit  d'une  femme,  et  a  ordonne,  que  telz  soubz  umbre  de  Religion  ne  reiectassent  leurs  propres  femmes,  ainsi  que  porte  le  Canon  des  Apostres  huitiesme  du  Concile  de  G-angres  et  l'opinion  de  Paphnuce  approuvee  au  Concile  de  Nicenne.  Mais  ceux  lesquelz  apres  le  Baptesme  s'estoyent  mariez  pour  la  seconde  foys  ou  avoyent  prins  une  concubine,  ou  espouse  une  vefve,  ou  separee  de  son  mary,  par  divorce,  ou  pailarde,  ou  serve,  ou  quelcune  qui  eust  autresfoys  servy  a  ieux  ou  farces  publiques,  n'estoyent  point  admiz  a  l'office  de  prestrise;  ainsi  que  contient  le  Canon  des  Apostres  sexiesme.  Or  icelle  Eglise  ancienne  a  deffendu  le  Mariage  a  ceux  qui  n'estoyent  point  encor  mariez  devant  estre  admiz  en  l'office  de  prestrise,  ou  de  Diacre,  selon  que  porte  le  Canon  des  Apostres  vingtcinquiesme  :  sinon  que  les  Diacres  eussent  proteste  quand  on  les  ordonnoit,  qu'ilz  vouloyent  estre  mariez  et  qu'ilz  ne  se  povoyent  contenir.  Car  si  puis  apres  ilz  se  marioyent,  ilz  demouroyent  au  ministere,  pource  que  l'Evesque  leur  avoit  donne  ceste  licence:  ainsi  que  tesmoigne  le  Concile  d'Ancyre.2)  Or  ceux  lesquelz  sans  faire  protestation  contre  leur  profession  tacite  s'estoyent  mariez,  estoyent  par  icelle  susdicte  Eglise  seulement  ostez  du  ministere  :  c'est  a  dire,  elle  ne  permettoit  point  qu'ilz  offrissent  ou  feissent  quelque  predication  au  peuple,  ou  qu'ilz  exerceassent  quelque  office  de  prestrise:  leur  laissant  seulement  la  communion  comme  aux  laiz:  ainsi  que  monstre  le  Concile  d'Ancyre.  3)  Finablement  la  susdicte  Eglise  excommunioit  ceux  lesquelz  se  marioyent  contre  leur  profession  expresse,  ou  contre  leur  voeu  :  mais  cependant  l'Evesque  du  lieu  avoit  bien  telle  authorite,  qu'il  povoit  faire  grace  a  telz,  quand  ilz  se  confessoyent  :  comme  porte  le  Concile  de  Chalcedoyne.4)  Et  iamais  ne  rompoit  le  mariage,  comme  tesmoigne  S.  Augustin.  Or  icelle  defendoito)  totallement  que  l'Evesque,  ny  aucun  du  Clerge  eust  avec  [fol.  58]  soy  femme  retiree  en  cachette:  ainsi  que  contient  le  Concile  de  Nycene.  6)  Icelle  aussi  a  iette  hors  de  l'Eglise,  ceux  1)  Note  margmdle:  Les  Protestans  ont  presente  leur  escrit  touchant  la  contenance  du  Mariage  des  Prestres,  signe  I.  2)  Can.  9.  3)  Can.  15.  4)  Can.  15.  16.  5)  Ca.  nup.  27.  qu.  1.  6)  Can.  3.